რონალდუც პარიზში?

No description available. ფრანგული პსჟ-ის პრეზიდენტმა ნასერ ალ-ხელაიფიმ მშვენივრად უწყის, რომ კილიან მბაპე ახალ კონტრაქტს ხელს არ მოაწერს და მომავალ ზაფხულს თავისუფალი აგენტის სტატუსით მიაშურებს მადრიდის „რეალს“.

თურმე ნუ იტყვით და ალ-ხელაიფის მბაპეს შემცვლელი უკვე შეუგულებია – კრიშტიანუ რონალდუ. პორტუგალიელს „იუვენტუსთან“ კონტრაქტი სწორედ 2022 წლის ზაფხულში უმთავრდება. ფეხბურთელმა კი გამოთქვა ტურინში 2024 წლამდე დარჩენის მზადყოფნა, მაგრამ თუ მსუყე შეთავაზებას მიიღებს, წავა, რატომაც არა?!

ამ ჰიპოთეტური გარიგების მომენტში კრიშტიანუ 37 წლის იქნება, მაგრამ მისი ფიზიკური კონდიციები არასოდეს დამდგარა ეჭვის ქვეშ. ეგ კი არა, რონალდუ ევროპაში 2024 წლამდე ბურთაობის შემდეგ ორი წლით ამერიკულ MLS-ში ან ყატარში აპირებს ძალების მოსინჯვას.

ისე კი, წინასწარ ცოდოა ნებისმიერი გუნდი, რომლის კარსაც მესი-რონალდუ-ნეიმარის ტრიო შეუტევს.

ავტორის პროფილი

გიორგი ნოზაძე: მას შეეძლო, დილის 11 საათისთვის გაზეთის ორი გვერდი მზად ჰქონოდა და გადაერეკა თანამშრომლებისთვის - ნუ შეწუხდებით, სამსახურში ნუღარ მოხვალთ, საქმე გაკეთებულია. ფეისბუკის ნამდვილი ფეისი. ის გახლავთ სოციალურ ქსელში "მოამბეც" და "ვრემიაც".