ბასილაშვილი ყველასთან აგებს

ნიკოლოზ ბასილაშვილმა საფრანგეთის ქალაქ მონპელიეში მიმდინარე საერთაშორისო ტურნირზე, რომლის საპრიზო ფონდი 323.970 ევროა, პირველ წრეში გრეგუარ ბარერეს შეხვდა და 4:6, 4:6 დამარცხდა.

მოკლედ, საქართველოს პირველი ჩოგანი აგერ უკვე ერთი წელია ყველასთან ყველაფერს აგებს. არადა, ბარერე გადაულახავი ზღუდე ნამდვილად არ ჩანდა – ფრანგი 113-ე ჩოგანია და ტურნირზეც კვალიფიკაციის გავლით მოხვდა.

პირველი სეტში თითქოს ბრძოლა იყო. ბასილაშვილმა მეტოქე დააბრეიკა, მაგრამ საპასუხოდ საკუთარი მოწოდება ორჯერ დაუთმო მეტოქეს.

მეორე სეტში კი სულ უფრო გაგვაოცა – ჩვენებური 4:1 დაწინაურდა და შემდეგ ყველა ქულა ფრანგმა აიღო.

Tennis news - Nikoloz Basilashvili charged with domestic violence - Eurosport

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...