ალაბა ოთხი წლით მადრიდში

ალაბა-ალაფა უკვე გადაწყვეტილი ამბავია, რომ მიუნხენის „ბაიერნის“ ავსტრილი მცველი დავიდ ალაბა კარიერას მადრიდის „რეალში“ გააგრძელებს. ალაბა უკვე იმყოფებოდა ესპანეთის დედაქალაქში და საბოლოო მოლაპარაკებით წერტილი დაუსვა კიდევ დარჩენილ რამდენიმე კითხვას – ავსტრიელ ფეხბურთელთან „რეალმა“ 4-წლიანი კონტრაქტი შეათანხმა, ფეხბურთელი „ბლანკოსს“ ზაფხულში შეუერთდება.

ალაბა ივლისში კიდევ ერთ სამედიცინო შემოწმებას გაივლის და სეზონს „რეალთან“ ერთად დაიწყებს.

ესპანელი ანალიტიკოსები ერთხმად აღიარებენ, რომ ალაბას ტრანსფერი მადრიდის „რეალისთვის“ ძალიან მნიშვნელოვანია. ის უდიდესი გამოცდილების ვარსკვლავია და სამეფო კლუბს სწორედ ასეთი მაღალი დონის ფეხბურთელები სჭირდება.

ანალიტიკოსები ხაზს უსვამენ, რომ „რეალში“ ალაბას ნახვა გაცილებით სასიამოვნოა, ვიდრე 17 წლის პერსპექტიული ფეხბურთელის, რადგან არავინ იცის, რომლის მომავალიც, როგორ განვითარდება.

ავტორის პროფილი

ლუკა თალაკვაძე: ლუკა თალაკვაძე ნამდვილი სარბიელელია. ყველას შემწე, გვერდში მდგომი, ალალი და უსაყვედურო. ჟურნალისტის პროფესიის ქიციც იცის და ქიცმაცურიც.