ბასილაშვილმა წყვილებშიც იმარჯვა

ნიკოლოზ ბასილაშვილმა 2021 წელი მოგებებით დაიწყო. თუ ჩვენებურმა ჯერ ერთეულთა თანრიგში იმარჯვა, ამჯერად მოგება წყვილთა შორის იზეიმა.

ანტალიის 250-იანი კატეგორიის ტურნირის წყვილთა თანრიგში ნიკოლოზი დუეტში გერმანელ ანდრე ბეგემანთან ერთად გამოდის. მათი მეტოქეები კი, ტურნირზე „უაილდ ქარდით“ მოხვედრილი მასპინძელი წყვილი – უმუთ აკუნი და მერთ ნაჯი თურქერი იყო. ქართველ-გერმანულმა დუეტმა 2 სეტში იმარჯვეს – 6:2, 6:3.

მეოთხედფინალში ქართულ-გერმანული დუეტის მეტოქე ტურნირის პირველ ნომრად განთესილი ხორვატი წყვილი (მეკტიჩი-პავიჩი) იქნება.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...