Month: November 2020

საქართველოს საკალათბურთო ნაკრებმა ისევ მოიგო. ილიას ზუროსის შეგირდებმა ამჯერად შვეიცარიას მოუგეს – 91:84. ჩვენები ოთხიდან ოთხი მოგებით ერთპიროვნულად ლიდერობენ ჯგუფს. მიუხედავად იმისა, რომ ჩვენებს ევროპის ჩემპიონატის საგზური ჯიბეში უდევთ და ბერძენი მწვრთნელიც ფინეთში, ფაქტობრივად, დუბლშემადგენლობით იყო ჩასული, მაინც მოახერხა ორი გამარჯვების მოპოვება. ახლა წინ დასკვნითი „ბაბლია“, რომელიც თბილისში უნდა გაიმართოს. ჩვენები ფინეთსა და სერბეთს უმასპინძლებენ….

გერმანულ ფეხბურთში ცვლილებები მზადდება. 4 დეკემბერს გერმანიის საფეხბურთო კავშირის პრეზიდიუმი შეიკრიბება და ოლივერ ბირჰოფს მოუსმენს. ეროვნული ნაკრების მენეჯერი ბოლო ორი წლის შედეგებს გააანალიზებს. ბირჰოფი თუ პრეზიდიუმს დაარწმუნებს, იოაჰიმ ლიოვი მთავარი მწვრთნელის პოსტზე დარჩება, თუ არა და უკვე შობამდე მოხსნიან. ჯერ იყო 3:3 თურქეთთან, რომელსაც ბოლო 20 წელიწადში ყველაზე მცირე ტელე-აუდიტორია ჰყავდა (5.8 მლნ)… მერე იყო…

„მაიამი ჰიტი“ იმდენად არის მოწადინებული იანის ადეტოკუმბოს ხელში ჩასაგდებად, რომ მზად არის მის სანაცვლოდ სამ კალათბურთელს შეელიოს. საუბარი მიდის ტაილერ ჰიროუზე, კენდრიკ ნანიზე და დანკან რობინსონზე. თავად ადეტოკუმბოს კი უფლება აქვს „მილუოკი ბაქსთან“ 5-წლიანი კონტრაქტი გააფორმოს. თანხა გაინტერესებთ? 228-240 მილიონი დოლარის ფარგლებში. ეს ყველაფერი 21 დეკემბრამდე უნდა მოხდეს, როდესაც სუპერმაქსიმალური კონტრაქტის დედლაინის ვადა იწურება. თუ…

ლეგენდარული მოკრივე მაიკ ტაისონი მინიმუმ კიდევ ერთხელ გავა რინგზე. როგორც იცით, გასულ უქმეებზე 54 წლის ტაისონი 51 წლის როი ჯონს-უმცროსს ეჩხუბა. ორგანიზატორებმა ფრე გამოაცხადეს, შედეგად უკმაყოფილო დარჩა ყველა – უპირველესად ტაისონი… „მოხარული ვარ, რომ ნოკაუტში ვერ ჩამაგდეს. მომდევნო ბრძოლაში უკეთესი ვიქნები. თუ ღმერთის ნება იქნება, შემდეგ ჩხუბში ნამდვილ ტაისონს გაიხსენებთ“, – თქვა „რკინის მაიკმა“. გეტყვით,…

„არსენალს” ასეთი ცუდი სტარტი 39 წელია არ ჰქონია, მაგრამ მწვრთნელი მიკელ არტეტა ამბობს, რომ სამსახურიდან გაშვების არ ეშინია. გუშინ, „მეთოფეებმა” შინ წააგეს, „ვულვერჰემპტონთან” (1:2), და 10 თამაშის შემდეგ მე-14 ადგილზე არიან. ხსენებული 10 მატჩიდან „არსენალი” ხუთში დამარცხდა, მათგან ზედიზედ სამჯერ – შინ. არტეტას ქვეშევრდომებს მხოლოდ 10 გოლი აქვთ გატანილი. ქულების გრაფაში უწერიათ -13. არტეტა: „მას…

„მანჩესტერ იუნაიტედის” ურუგვაელმა თავდამსხმელმა, 33 წლის ედინსონ კავანიმ, რომელმაც გუშინ „საუთჰემპტონს” ორი გოლი გაუტანა და ამ ორიდან ერთი, 90+2 წუთზე, გამარჯვებისა იყო, შეიძლება დისკვალიფიკაციის გამო სამი თამაში გამოტოვოს. თავდამსხმელმა ინსტაგრამში დააშავა… ან არ იცოდა, რომ აშავებდა, მაგრამ ასე გამოუვიდა. განვმარტოთ. „იუნაიტედი” „საუთჰემპტონთან” სტუმრად 0:2-ს აგებდა, მაგრამ 3:2 გაიმარჯვა. გახარებულმა კავანიმ, სახლში დაბრუნების შემდეგ ინსტაგრამში ნახა,…

შემოდგომის ერთა თასის დაწყებამდე ლევან მაისაშვილი პირობას დებდა, ყოველ მომდევნო მატჩში უკეთ და უკეთ ვითამაშებთო და ბორჯღალოსნების მთავარმა მწვრთნელმა სიტყვა უკვე შეასრულა. რომ შევადაროთ საქართველოს ნაკრები ოქტომბრის ბოლოს შოტლანდიელებთან მატჩში და  ის გუნდი, რომელმაც 29 ნოემბერს დუბლინის „ავივა სთედიუმზე“ ირლანდიის ეროვნული გუნდის წინააღმდეგ ითამაშა, ცხადია, რომ ბორჯღალოსნებმა უდიდესი პროგრესი განიცადეს. 23:10 – ასეთია ირლანდიელთა და…

ფრანგული „პარი სენ-ჟერმენის“ გერმანელ მწვრთნელ ტომას ტუხელს წყალი შეუდგა. გუნდი ვერც ევროტურნირებზე აჩვენებს საჭირო თამაშს და ვერც შინაურ პირველობაზე. მართალია პსჟ პირველ ადგილზეა, მაგრამ ხელმძღვანელობა ხარისხით არის უკმაყოფილო. ვრცელდება ინფორმაცია, რომ პარიზელები ტუხელთან კონტრაქტს სეზონის ბოლოს ვადამდე გაწყვეტენ, ხოლო მის ნავლად გუნდში მასიმილიანო ალეგრის მიყვანენ. იტალიელ სპეციალისტზე თვალი მილანის „ინტერსაც“ აქვს დადგმული, მაგრამ მთავარ პრეტენდენტად…

მაიკ ტაისონსა და როი ჯონსის საუკუნის ბრძოლად შერაცხული დაპირისპრება ფრედ გამოცხადდა. არადა, ყველა ნეიტრალური არბიტრის დათვლით, მაიკმა სულ მცირე, ოთხი ქულით მოიგო. „რკინის მაიკი“ ძველებურად აგრესიული იყო, როი კი კლინჩში შედიოდა და მაქსიმალურად აგდებდა ტემპს. შედეგმა ბევრი უკმაყოფილო დატოვა და ვარაუდობენ, რომ მაიკი რევანშს მოითხოვს. ეს კი, ბუნებრივია, დამატებითი ფულია. რადგან ფულს შევეხეთ, გავიხსენოთ, რომ…

როგორია ქართული ფეხბურთი? იტყვიან, რომ დღეს ცუდია, გუშინ კი კარგი იყო. მაგრამ ამას სულაც არ ვგულისხმობ და ალბათ, კითხვაც ბუნდოვანი გამომივიდა. უკეთესი იქნებოდა მეკითხა, ვინ არის ქართველი ფეხბურთელი დღეს? რა სტატუსის კაცია? რას აძლევს მას ფეხბურთი და რას გაიღებს იგი ამ თამაშისათვის? სტატუსით ქართველი ფეხბურთელი პროფესიონალი არ არის, მაგრამ არც მოყვარულია. დღეს ჩვენს ფეხბურთს შუალედური…

„შალკეს” სპორტულ დირექტორს იოჰენ შნაიდერს უნდა, რომ გელზენკირხენის კლუბის ფანებმა, ფეხბურთელებმა და თანამშრომლებმა, ერთი სიტყვით ყველამ ვისთვისაც ეს კლუბი ძვირფასია, ერთად გამონახოს კრიზისიდან გამოსვლის გზა. ასეთი სიტყვებით, როგორც წესი, საფეხბურთო ჩინოვნიკები გულშემატკივარს მაშინ მიმართავენ როდესაც უნდათ, რომ მათ წაგებები მოითმინონ. გუშინ „შალკემ” მიონხენგლადბახში 1:4 წააგო და ბუნდესლიგის ცხრილში 3 ქულით ბოლო ადგილზეა. გუნდს ერთი თამაშიც…

„ბორნმუთის” ფეხბურთელები ჯერ გაოცდნენ, შემდეგ კი გაბრაზდნენ. მიზეზი: კლუბის აღმასრულებელი შეფის ნილ ბლეიკის ცოლმა ალესიამ ქმრის საშობაო საჩუქარი გამოამზეურა. არადა, მსოფლიოში covid 19 მძვინვარებს, რის გამოც ბორნმუთელ მოთამაშეებს ხელფასები შეუმცირეს. საჩუქარი, რომელიც რუსმა ლამაზმანმა გაასაჯაროვა, 140 ათას გირვანქად ღირებული „ბენტლია”, პერსონალურად მისთვის შერჩეული სახელმწიფო ნომრით. ეს საკითხი გუნდში „ნოტინგემ ფორესტთან” თამაშის წინ განხილვის საგანი ყოფილა….

მოვიგეთ… ამ თვეში გუნდურად არ გვიმარჯვია და იმ ცუდად გასასხენებელი მატჩების ფონზე საკალათბურთო ნაკრებმა გაგვახარა. არადა, არ ჭირდებოდათ, მაგრამ გავიდნენ მოედანზე და მოიგეს… ესპოოში ფინეთს 91:85 აჯობეს… საქართველოს ნაკრებს ევრობასკეტზე მონაწილეობა დაბევებული აქვს – თანამასპინძელია, მაგრამ ილიას ზუროსი ახალ გუნდს აშენებს. აკი თქვა კიდეც მატჩისწინა პრესკონფერენციაზე, პიკში 2022 წელს ვიქნებითო. ზუროსი გეგმას მიყვება. ჯგუფში „პირტიტველა“…

არგენტინისა და ახალი ზელანდიის მორაგბეთა ნაკრებების მატჩის დაწყებამდე არგენტინული პუბლიკა და „ლოს პუმასის“ სრული შემადგენლობა „ოლ ბლექსის“ საბრძოლო რიტუალის – ჰაკას საცქერლად გაემზადა, მაგრამ ზელანდიელთა ჯგუფს მათი კაპიტანი სემქეინი გამოეყო, მინდვრის ცენტრალურ წერილთან მივიდა, თან ჩანდა, რომ ხელში ქსოვილის შავი ნაჭერი ეკავა. ყველას ეგონა, რომ კაპიტანი ჰაკას დაწყების ნიშანს მისცემდა, მაგრამ ქეინმა ხსენებული ნაჭერი გაშალა,…

დილით, თბილისში რომ დილის 06.30 იქნება, ლოს ანჯელესში გონგი საუკუნის ბრძოლის დაწყებას გვამცნობს. ორი მობერებული ლეგენდის დაპირისპირება არამხოლოდ საკრივო სამყაროსთვისაა უმნიშვნელოვანესი მოვლენა… რინგის ერთ კუთხეში მსოფლიოს ყოფილი აბსოლუტური ჩემპიონი მაიკ ტაისონი იდგება, მეორე კუთხეში კი როი ჯონსი-უმცროსი, რომელიც 4 სხვადასხვა წონით კატეგორიაში იყო მსოფლიოს ჩემპიონი. მაიკი 54 წლისაა და 3 წლით აღემატება მეტოქეს. აწონვამ აჩვენა,…

კვირას, ირლანდიის დედაქალაქ დუბლინში საქართველოს მორაგბეთა ნაკრები „შემოდგომის ერთა თასის“ ჯგუფური ეტაპის დასკვნით მატჩს გამართავს. იმ ადგილას, სადაც ოდესღაც მსოფლიო რაგბის ერთ-ერთი მექა „ლენსდაუნ როუდი“ იდგა, რომელზეც ბორჯღალოსნებს ორჯერ უთამაშიათ, დღეს მშვენიერი „ავივა სთედიუმია“ აღმართული, რომელიც თავისი წინამორბედის დიდებას მხოლოდ უახლოვდება და სადაც საქართველოს ნაკრებს ასევე უთამაშია, ოღონდ – ერთხელ. უთამაშიათ ქართველ ფეხბურთელებსაც… საინტერესო პარალელი…

დიეგო მარადონას ცხედრის გაკვეთის შედეგად ქვეყნის საუკეთესო პათოლოგანატომების დასკვნა დღეს გახდა ცნობილი. აღმოჩნდა, რომ დიეგოს ფილტვების დაახლოებით 50 პროცენტი დახშული ჰქონდა. გულის ქრონიკულ უკმარისობას დიეგო წლებია უჩიოდა. კიდევ ერთი დიაგნოზი კარდიომიოპათიაა, რაც გულის კამერების დათხელებასა და ზომაში გაზრდას იწვევს. აღმოჩნდა, რომ დიეგოს ნორმალურ ადამიანზე ორჯერ დიდი გული ჰქონია. რაც შეეხება აკრძალულ ნივთიერებებს, მათ შესახებ ინფორმაცია…

შვედეთის ფეხბურთის ფედერაციის გენერალური მდივანი ჰოკან შესტრანდი და ეროვნული გუნდის მწვრთნელმა იან ანდერსონი ზლატან იბრაჰიმოვიჩთან შესახვედრად მილანში საგანგებოდ ჩაფრინდნენ. შეხვედრის ინიციატორი ანდერსონი გახლდათ, სალაპარაკო თემა კი ფეხბურთელის შვედეთის ნაკრებში დაბრუნება. „ზლატანმა ნაკრებში შესაძლო დაბრუნებაზე ისაუბრა და ჩემთვის მნიშვნელოვანი იყო რაც შეიძლება მალე შევხვედროდი. მოხარული ვარ, რომ შეხვედრის ორგანიზება ასე სწრაფად მოხდა. მოლაპარაკებებმა ნაყოფიერად ჩაიარა, მაგრამ ჩვენ…

„ბარსელონამ” გაავრცელა განცხადება, სადაც წერია, რომ ფეხბურთელები ხელფასების კორექტირებას დაყაბულდნენ. მიზეზი: covid 19-ის პანდემია. კორექტირება „ბარსელონას” ფიქსირებული ხელფასებიდან 122, ხოლო არაფიქსირებულიდან 50 მილიონ ევროს დაუზოგავს. ფეხბურთელები ხელშეკრულებას ამ დღეებში გაუკეთებენ რატიფიკაციას. კლუბი წერს, რომ ეს შეთანხმება „ბარსას” ეკონომიკურ ცხოვრებაში გადამწყვეტ როლს ითამაშებს. „ეს კი იმას ნიშნავს, რომ მხარეები აცნობიერებენ შეთანხმების მნიშვნელობას, რაც მოსალოცი ამბავია” —…

ინგლისში არსებობს კოლინზის ლექსიკონი, სადაც წერია, რომ „ხელჩანთის კეთება” ჟარგონზე ნიშნავს ინციდენტს, რომლის მონაწილე ადამიანები, ხშირად სპორტსმენები, ჩხუბობენ ან ისე იქცევიან, თითქოს სადაცაა ჩხუბი უნდა დაიწყონ, სინამდვილეში კი მოწინააღმდეგისთვის ტკივილის მიყენებას არ აპირებენ. ამ სიტყვამ რატომ დაგვაინტერესა? BBC-დან მოხსნეს წამყვანი, რომელმაც ეთერში ორ ფეხბურთელზე თქვა, ესენი ხელჩანთას აკეთებენო. წამყვანს ჰქვია სტივ „ტომო” ტომპსონი. მას ლინკოლნშირის…

პირწმინდად ჩაგდებულ 3-მატჩეულზე გულშემატკივარმა შენიშნა და მერე საფეხბურთო გადაცემაშიც ითქვა, რომ საქართველოს ნაკრების რამდენიმე მოთამაშეს ჭარბი წონა აქვს. ფეხბურთელებს ფორმა დაუწუნა ვლადიმირ ვაისმაც. ეს პრობლემაა. ოღონდ, რატომღაც ისეთი შთაბეჭდილება შეიქმნა, თითქოს, ეს მხოლოდ ფეხბურთელების პრობლემაა. ფეხბურთელი შეიძლება იყოს ცუდ ფორმაში, თუ სურს, უმთავრესი მატჩის წინა ღამეს, თუგინდ სუფრის თავში მჯდარა. საქმე ის არის, რომ სამატჩოდ…

ხუთშაბათს ეროვნულ ლიგაში მე-14 ტურის ორი გამოტოვებული შეხვედრა გაიმართა. ორივე ერთობ მნიშვნელოვანი გახლდათ სატურნირო თვალსაზრისით. „დინამო“ ჩემპიონობისთვის იბრძვის, „ტორპედო“ კი ფლეი აუტის ზონიდან თავის დაღწევას ცდილობს. ამჯერად „კლასიკო“ თბილისელთა გამარჯვებით დასრულდა. დუბლი მიითვალა ნოდარ ქავთარძემ. ორივე გოლი მან თერთმეტმეტრიანით გაიტანა. კულმინაცია 84-ე წუთზე დადგა, როცა დინამოელთა შეტევისას, საჯარიმოში დავით სხირტლაძეს სტუმარი გიორგი ჯანელიძე შეეჯახა. შედეგად…

დიეგო არმანდო მარადონა ბოლო გზაზე მცირე რაოდენობის ადამიანმა გააცილა. ის ბუენოს აირესის მახლობლად, Bella Vista-ს სასაფლაოზე მშობლების გვერდით დაკრძალეს. პროცესი დახურულ ფორმატში იყო და მასში მონაწილეობა მხოლოდ დიეგოს შინაურებმა და ახლობლებმა მიიღეს. თუმცა, ხალხს, ვისთვისაც მარადონა მართლაც ღმერთი იყო, სასაფალაომდე არ მიუტოვებია. გამოსამშვიდობებელი ცერემონიის შემდეგ, რომელიც პრეზიდენტის სასახლეში გაიმართა და უამრავი გულშემატკივარი შეკრიბა, ათასობით ადამიანმა…

დიეგო მარადონას გარდაცვალებამ არგენტინა ღრმა ტრაურში ჩააგდო. ახლა, მისი სიკვდილის გარემოებათა გარჩევის დრო არ არის, მაგრამ აშკარაა, რომ დაკრძალვის შემდეგ გაჩნდება კითხვები… ისე, როგორც ყოველთვის და ყველგან ხდება ხოლმე. მარადონას ადვოკატმა მატიას მორლამ სოციალურ ქსელში გაავრცელა პოსტი, სადაც ის ამბობს, რომ სასწრაფო დახმარების მანქანები მის კლიენტთან გვიან მივიდნენ: „დღეს დიდი ტკივილის, სევდისა და ფიქრის დროა….

ჰარი ვინკსს ორ წელიწადზე მეტია გოლი არ გაუტანია და აი, ბედმა გაუღიმა — „სფურზის” მოთამაშემ 50 მეტრიდან შეაგდო. ნახევარმცველმა ბურთი მოედნის კიდესთან „ლუდოგორეცის” ნახევარზე, ცენტრთან ახლოს მიიღო და იქიდან არასწორად მდგარი მეკარე დეიან ილიევის კარში კალათბურთის სამქულიანივით ჩააგდო. ბურთი დამრტყმელისგან მარჯვენა ზედა კუთხეში შევარდა და როგორც ბულგარელები, ასევე თავად ლონდონელები პირდაღებულები დატოვა. სენსაციურ გოლამდე, „ლუდოგორეცის”…

სიკვდილმა პირდაპირ ფეხბურთის გულზე მიიტანა შეტევა  -გულის შეტევით მარადონა გარდაიცვალა… 60 წლის წავიდა დიეგო მარადონა და პირველი რაც ამ დროს გახსენდება,, ღმერთის ხელია” და ის 60 მეტრიანი ტრიუმფალური დრიბლინგი ინგლისთან, ფენომენალური გოლი რომ შვა… მექსიკა 1986… ის წელი ჩინური ჰოროსკოპითაც კი მარადონას წელი იყო და სწორედ იმ წელს დადგა თავდაყირა საფეხბურთო სამყარო, რომელმაც ახალი ღერძის…

ეს იყო „რეალის” საუკეთესო თამაში ახალ სეზონში — „სან სიროზე”, „ინტერთან”, თერთმეტმეტრიანი დარტყმით ანგარიში ჯერ ედენ აზარმა გახსნა, ხოლო შემდეგ როდრიგომ მეორე შეაგდო, თუმცა არის ვერსია, რომ ბურთს ბოლო მილანელების მცველი აშრაფ ჰაკიმი შეეხო და ეს მისი ავტოგოლი იყო. თუ ასეა, დრამატიზმისთვის სჯობს კიდეც, რადგან მაროკოელი ადრე „რეალში” თამაშობდა. „რეალს” გამარჯვებაში ხელი „ინტერის” ჩილელი ნახევარმცველის…

დიეგო მარადონას გარდაცვალებას პელე გამოეხმაურა. მან თქვა, რომ ერთ დღეს, ისინი ალბათ ზეცაში შეხვდებიან და იქ ითამაშებენ ფეხბურთს. ლეგენდის სიკვდილმა ბევრ ვარსკვლავს დაწყვიტა გული. მათ სოციალურ ქსელებში გულისტკივილი გამოთქვეს 60 წლის არგენტინელი გენიოსის დაღუპვის გამო. „დღეს სევდიანი ცნობა მოვიდა. მე დავკარგე ძვირფასი მეგობარი, მსოფლიომ კი ლეგენდა. სათქმელი გაცილებით მეტია, მაგრამ ახლა, დაე, ღმერთმა მისი ოჯახი…

ეს ამბავი ცოტათი თბილისურ ისტორიას ჰგავს: რაღაც საქმეზე ძველი ნაცნობის დაჭერა რომ გინდა და მისი მობილური ტელეფონის ნომრის გასაგებად მთელ ქალაქს რომ შეაწრიალებ. დიეგო მარადონას ძებნა მსოფლიო ჩემპიონატის შემდეგ დავიწყე და ბოლოს მივაგენი კიდეც. მასთან სატელეფონო ინტერვიუს დიდი ჩხრეკა-ძიება და მოლაპარაკებები უძღვოდა. ნახევარსაათიანი საუბრიდან რაც გამოდნა, ქვემოთ წაიკითხავთ. სხვანაირად კი, ხეირიანად არც მახსოვს რაზე ვლაპარაკობდით:…

დღეს დიეგო მარადონას გული გაუჩერდა. პირველმა, ეს ამბავი არგენტინულმა გაზეთმა „კლარინმა” გაავრცელა. უდიადესს დილით, ქალაქ ტიგრესის ახლოს, სან ანდრესის დასახლებაში, საკუთარ სახლში, კარდიორესპირატორული შეტევა მოუვიდა. სასწრაფო დახმარების რამდენიმე ბრიგადამ ამაოდ სცადა ლეგენდის გადარჩენა. დასრულდა გენიოსის სიცოცხლე. წარსულად იქცა რაღაც განსაკუთრებული და ვეებერთელა. დღეიდან მსოფლიო ისეთი აღარ იქნება, როგორიც აქამდე იყო.  

კულუარულად შევიტყვეთ, რომ საქართველოს ნაკრების კალათბურთელ თად მაკფადენს კორონავირუსი დაუდასტურდა. ცხადია, იმ პრობლემების ფონზე, რაც ნაკრებს ფინეთში გამგზავრებამდე ჰქონდა, ეს კიდევ უფრო მნიშვნელოვანი დანაკლისია, მაგრამ კიდევ უფრო საეჭვო ის არის, საერთოდ ითამაშებს თუ არა ნაკრები ფინეთთან და შვეიცარიასთან. საქმე ისაა, რომ მაკფადენმა გუნდთან ერთად ივარჯიშა და თანაგუნდელებთან კონტაქტი ჰქონდა. იმედს ვიტოვებთ, რომ მაკფადენიდან სხვა კალათბურთელები…

საქართველოს კალათბურთელთა ნაკრები 2022 წლის ევროპის ჩემპიონატის საკვალიფიკაციო ეტაპზე 28 ნოემბერს ფინეთს ეთამაშება, ხოლო 30-ში – შვეიცარიას. გუნდი უკვე ფინეთშია. ჰელსინკიში საქართველოდან სუპერლიგაში მოთამაშე 8 კალათბურთელი ჩავიდა: მერაბ ბოქოლიშვილი, საბა ლობჯანიძე, გივი ბაქრაძე, ლუკა ზაქრაძე, ბექა ბექაური, ალექსანდრე ფევაძე, ლუკა ბულაშვილი და ილია ლონდარიძე, ხოლო ლეგიონერები – გიორგი შერმადინი, თად მაკფადენი, გიორგი კორსანტია და გიორგი…

25 წლის გერმანელი ნახევარმცველი იულიან ვეიგლი „ბენფიკადან” გაქცევას აპირებს. აგვისტოსდან ლისაბონის კლუბს 66 წლის ჟორჟე ჟესუსი უდგას სათავეში. მის ხელში ვეიგლმა სულ 6 შეხვედრაში მიიღო მონაწილეობა, რომელთაგან ერთადერთხელ დაჰყო მოედანზე 90 წუთი. სააგენტო Sports eXcellence-მა, რომელთანაც ფეხბურთელს კონტრაქტი აკავშირებდა, მას პორტუგალიის დედაქალაქში დარჩენა ურჩია. ეს ყოფილი დორტმუნდელისთვის მიუღებელი აღმოჩნდა, რის გამოც Sports eXcellence-ს გაექცა და…

დღეს „ლივერპული” ჩემპიონთა ლიგაში „ატალანტას” მასპინძლობს და ამ შეხვედრაში გულშემატკივარი კოვიდმოხდილ მო სალაჰს ელის. თურმე, მერსისაიდელთა ეგვიპტელი ვარსკვლავი მოედანს ასე მალე იმიტომ უბრუნდება, რომ ფეხბურთელთათვის დაწერილ კოვიდრეგულაციებში ლაფსუსია — ერთი ნიუანსი არ არის დაზუსტებული. სალაჰის ბოლო ტესტიდან, რომელმაც დაადასტურა, რომ მას კორონავირუსი აღარ აქვს, ხუთი დღეა გასული. მავანი მედიკოსის მოსაზრებით ეს შეიძლება ცოტაა, მაგრამ საფეხბურთო…

„შემოდგომის ერთა თასზე“ანუ უბრალოდ „რვა ერზე“ ორი ტური მიილია და ავტორიტეტიანმა სარაგბო გამოცემა Planet Rugby-მ განვლილი უიქენდის სიმბოლური გუნდი შეადგინა. თითქოსდა, რა უნდა ყოფილიყო ამაში „სარბიელის“ მკითხველისთვის განსაკუთრებულად საინტერესო? თურმე ამ სიმბოლური გუნდის ერთი მეთხუთმეტედი არა მხოლოდ საინტერესო, არამედ სასიამოვნოცაა: ევროპული რაგბის უკაშკაშეს ვარსკვლავთა შორის 8 ნომრად ბექა გორგაძე ამოურჩევიათ! აი, როგორ ასაბუთებს თავის არჩევანს…

გაირკვა, რომ ქალთა ჩემპიონთა ლიგის მეთესმეტედფინალში „ლანჩხუთის“ მეტოქე შვედური „როსენგარდი“ იქნება. როგორც თავიდანვე იყო ცნობილი, პირველ მატჩს საკუთარ მოედანზე განუთესავი გუნდი ითამაშებდა. შედეგად, „ლანჩხუთი“ 9 ან 10 დეკემბერს დაუხვდებიან შვედებს, ხოლო საპასუხო შეხვედრას 15 ან 16 დეკემბერს სტუმრად ჩაატარებენ. „ლანჩხუთის“ მეტოქე შარშან ჩემპიონთა ლიგაში არ ყოფილა. მანამდე, 2018-19 სეზონში მერვედფინალში ითამაშა. დავიტოვოთ იმედი, რომ შვედები…

ხორხე ვალდანოს გადაცემაში, „უნივერსო ვალდანო”, ანტუან გრიზმანმა თქვა, რომ ლეო მესი მისმა გადაწყვეტილებამ გააღიზიანა. საქმე ეხება იმ ზაფხულს, როდესაც „ბარსელონა” გრიზმანს „ატლეტიკოსგან” ყიდულობდა, მაგრამ ფრანგმა ტრანსფერზე უარი თქვა და ამის შესახებ დოკუმენტური ფილმიც გადაიღო. მაშინ მესი თავის კლუბს გრიზმანის შეძენას სთხოვდა და როდესაც უარის ამბავი გაიგო, განაწყენდა — მე სიტყვა შევაწიე, მან კი უარი მაკადრაო….

შემდეგ ოთხშაბათს ინგლისში ფანების ნაწილი ტრიბუნებს დაუბრუნდება, თუმცა ბევრი ჯერ კიდევ კარგა ხანს დარჩება სტადიონს გარეთ. ბრიტანეთის კულტურის მინისტრმა ოლივერ დაუდენმა გუშინ ხელი მოაწერა ქაღალდს, რომლის თანახმადაც 2 დეკებმბერს სარბიელთა ჭიშკრები „შეიღება”. ეს სიახლე ეკონომიკური თვალსაზრისით ძალიან მნიშვნელოვანია ფეხბურთელთა პირველი და მეორე ლიგის კლუბებისთვის, მორაგბეთათვის და ცხენოსნებისთვის. მათთვის, ის შეიძლება გადარჩენასაც ნიშნავდეს. ინგლისში სტადიონები ხომ…

ხვალ ქალთა ჩემპიონთა ლიგის მეთექსმეტედფინალური ეტაპის წილისყრაა, რომელმაც „ლანჩხუთის“ მეტოქე უნდა გამოავლინოს. ჩვენი გუნდის სავარაუდო მეტოქეთა რიცხვი ოთხამდე შემცირდა – გერმანული „ვოლფსბურგი“, ყაზახური „კაზიგიურტი“, შვედური „როსენგარდი“ და ნორვეგიული „კვინერი“. აქედან ყველაზე ტიტულოვანი „ვოლფსბურგია“ – ჩემპიონთა ლიგის ორგზის გამარვებული და შარშანდელი სეზონის ფინალისტი. უეფამ კორონავირუსის პანდემიის გამო ფორმატი შეცვალა და ჯგუფური ეტაპის ნაცვლად ფლეი ოფები იქნება….

ესპანელი კალათბურთელი მარკ გასოლი NBA-ს დრაფტზე „ლოს ანჯელეს ლეიკერსმა“ 2007 წელს აიყვანა. თუმცა, „მემფის გრიზლიში“ ისე აღმოჩნდა, რომ კალიფორნიულ გუნდში ერთი მატჩის ჩატარებაც ვერ მოასწრო. გასოლი „მემფისში“ 2019 წლამდე იყო, შემდეგ „ტორონტო რეპტორსში“ გადავიდა და ჩემპიონიც გახდა. 35 წლის კალათბურთელი „ლეიკერსს“ მაინც დაუბრუნდა – ლოს ანჯელესურმა კლუბმა გასოლს 2-წლიანი კონტრაქტი გაუფორმა და მომავალ სეზონში 2,56…

ავსტრალიის მთავრობის მიერ შემოღებული რეგულაციების გამო „დიდი მუზარადის“ საგაისო პირველი ტურნირის, ავსტრალიის ღია პირველობის ჩატარების თარიღი, სავარაუდოდ, გადაიწევს. თუ ავსტრალიურ მედიას ვენდობით, ჩოგბურთელები მელბურნის კორტებზე თებერვალში ან მარტში გავლენ. არადა, თავდაპირველი ჩატარების ვადები იყო 18-31 იანვარი. იყო საუბარი, რომ ჩოგბურთელები ავსტრალიაში ახალ წლამდე ორი კვირით ადრე ჩავიდოდნენ, რათა აუცილებელი კარანტინი გაევლოთ, მაგრამ აქ უკვე ქვეყნის…

14 წლიანი შესვენების შემდეგ „ბათუმმა“ პირველად ითამაშა საკუთარ, თანამედროვე, კოხტა 20 ათასიან ახალ სტადიონზე. სტადიონი 27 ოქტომბერს გაიხსნა ოფიციალურად, თუმცა ორგანიზატორები შეგვპირდნენ, რომ როცა ჟამიანობა გადაივლის და ცხოვრება ჩვეულ კალაპოტში ჩადგება, ლამაზ გახსნასაც შემოგვთავაზებენ, ისეთს, ბათუმს რომ ეკადრება. საკუთრივ მატჩიც საინტერესო გახლდათ სატურნირო თვალსაზრისით, რადგან ერთმანეთს მეორე-მესამეადგილოსნები ხვდებოდნენ. მასპინძლებმა 1:0 მოიგეს და ახლა ლიდერ „დინამოს“…

შაბათს, „მანჩესტერ იუნაიტედმა” „ვესტ ბრომვიჩს” ბრუნო ფერნანდეშის პენალტის წყალობით 1:0 მოუგო. თამაში მანჩესტერში, „ოლდ ტრეფორდზე” გაიმართა. ეს თითქოსდა ჩავლილი ამბავი იმითაა საინტერესო, რომ VAR-მა ფერნანდეშს თერთმეტმეტრიანი ორჯერ დაარტყმევინა. მიზეზი: პირველი ეპიზოდი, როდესაც ბურთი მეკარე სემ ჯონსტონმა მოიგერია, იმიტომ დაიწუნეს, რომ ჯონსტონმა ხაზიდან ფეხი ნაადრევად გადმოდგა. „ვესტ ბრომვიჩის” მეკარე ფეხბურთში არსებულმა ამ წესმა აღაშფოთა და სოციალურ…

რას ნიშნავს მაინც ახალგაზრდა, ნაწრთობი  ორგანიზმი… მო სალაჰი დღეს ვარჯიშს უბრუნდება. covid 19 დამარცხებულია, თან, სწრაფად და იოლად. გუშინ, „ლივერპულმა” „ლესტერს” 3:0 თავისი საუკეთესო ბომბარდირის გარეშე მოუგო. ეგვიპტელს მიმდინარე ჩემპიონატში 10 გოლი აქვს გატანილი. შეგახსენებთ, რომ სალაჰი ეროვნული გუნდის შეკრებაზე ყოფნის დროს, ძმის ქორწილში დაავადდა. ქორწილში მან რეგულაციები დაარღვია. ზედიზედ ჩატარებულმა ტესტებმა აჩვენა, რომ თავდამსხმელი…

დარწმუნებული ვარ, ჩვენებს უელსთან 3:30 რომ წაეგოთ, ბორჯღალოსნებს ნაკლები კრიტიკა შეხვდებოდათ, მაგრამ ჩვენმა ნაკრებმა სათამაშო მინდორი კვლავ უქულოდ დატოვა… ზედიზედ მეორე მატჩია, საქართველოს ნაკრები „შემოდგომის ერთა თასზე“ მშრალად მარცხდება – ინგლისთან 0:40-ის შემდეგ 0:18 აშკარად უკეთ გამოიყურება, თუმც მარტო ანგარიში ხომ არაა? კი ბატონო, ისტორიას მხოლოდ ტაბლოზე დაფიქსირებული ციფრები შემორჩება, მაგრამ ისეთი უიმედობაც  აღარაა, რომელიც…

მას შემდეგ, რაც გერმანიის ნაკრებმა ესპანეთთან (0:6) სამარცხვინო მარცხი იწვნია, ქვეყნის საფეხბურთო ჩინონვნიკები მწვრთნელის შეცვლაზე ალაპარაკდნენ. ვარიანტი ბევრი იქნება, რადგან ქვეყანას კვალიფიციური სპეციალისტები საკმაოზე მეტი ჰყავს და სხვა ქვეყნების მსგავსად, ტოპ მწვრთნელები სანთლით საძებარი არ ჰყავთ. როგორც ჩანს, ერთ-ერთი კანდიდატი იურგენ კლოპია, რომელსაც გერმანელი ჟურნალისტები დაუკავშირდნენ და ბუნდესნაკრების გაწვრთნის შესახებ ჰკითხეს. „შესაძლოა, მომავალში ასეც მოხდეს,…

ბევრი არაა ისეთი ფეხბურთელი, ვისი პროფესიონალიზმიც სხვებს მაგალითად შეგიძლია დაუსახო. მე რომ მკითხო, დამოუკიდებელი ქართული ფეხბურთის ეპოქაში სულ ორი ხელის თითებზე ჩამოითვლება – კალაძეს, ცხადაძეს, ქეცბაიას, არველაძეებს ჩემი პატივისცემა, მაგრამ ეს წერილი სხვებზეა. ეს იმ ბიჭზეა, პირველი ინტერვიუ 25 წლის წინ რომ ჩამოვართვი, „ალანიაში“ ელოდნენ და „ბარსელონაზე“ ოცნებობდა. „ბარსაში“ ვერა, მაგრამ გერმანულ ბუნდესლიგაში კი დატოვა…

საქართველოს კალათბურთელთა ნაკრებს ნოემბერში ორი თამაში აქვს გასამართი. ევროპის 2022 წლის ჩემპიონატის შესარჩევ ეტაპზე ჩვენები 28-ში ფინეთს და 30-ში შვეიცარიას ეთამაშებიან. ორივე მატჩი ფინეთში შედგება. მთავარმა მწვრთნელმა ილიას ზუროსმა ამ შეხვედრებისთვის შემადგენლობა დაასახელა. ნაკრებში გამოძახებული 13 კალათბურთელი ფინეთში, 24 ნოემბერს შეიკრიბება. მანამდე კი, 22 და 23 ნოემბერს სუპერლიგაში მოთამაშე კალათბურთელები თბილისის ოლიმპიურ სასახლეში, მთავარი მწვრთნელის…

„ელ მადრიგალზე”, რომელსაც 1997 წლიდან ოფიციალურად „ესტადიო დე ლა კერამიკა” ჰქვია, რადგან ესპანეთის იმ რეგიონში, სადაც ვილიარეალი მდებარეობს კერამიკის წარმოებაა განვითარებული, ხერარდ მორენომ მეორე ტაიმში პენალტი შეაგდო და „რეალს” ანგარიში გაუთანაბრა. შეხვედრა ასეც დასრულდა — 1:1. მადრიდელებმა, რომლებიც კვლავ არ ჰგავდნენ გუნდს, რომელიც ახლო წარსულში ქვეყანას აზანზარებდა, მეორე წუთზე გახსნეს ანგარიში. გოლი ლამაზი იყო, დინამიკური…

როგორც კატალონიური „სპორტი” წერს, საქმე სულ უკან და უკან მიდის. გაზეთის სიტყვებით, „ვანდა მეტროპოლიტანოზე” „ბარსელონას” საღამო კომარად ექცა. ბედოვლათურმა გოლმა, რომელიც სტუმრებმა იანიკ კარასკოს გაატანინეს (იხ. ვიდეო) და ჟერარ პიკეს ტრავმამ „ბლაუგრანა” ცხრილში მეათე ადგილზე დასვა და ერთადერთი ცენტრალური მცველის ამარა დატოვა. რა შეიძლებოდა მომხდარიყო ამაზე უარესი? ერთადერთი რაღაც — „ბარსას” შეეძლო კიდევ უფრო დიდი…