ლეიკერსი ბოსტონს გაუტოლდა

ამერიკის ნაციონალური საკალათბურთო ასოციაციის სეზონი დასრულებულია. ფინალის მეექვსე შეხვედრაში „ლოს ანჯელეს ლეიკერსმა“ 106:93 გადასძალა „მაიამი ჰიტი“ და ისტორიაში მეჩვიდმეტედ გახდა NBA-ს ტრიუმფატორი. აქედან პირველი ხუთი ჩემპიონობა გუნდმა მაშინ მოიპოვა, როცა მინეაპოლისში იყო ბაზირებული, 12-ჯერ კი უკვე ანგელოსთა ქალაქის სახელით იპირველა.

17 ტიტულით „ლეიკერსი“ არანაკლებ ლეგენდარულ “ბოსტონ სელტიქსს” გაუტოლდა.

ფლეი ოფის MVP-დ, ბუნებრივია, ლებრონ ჯეიმსი აღიარეს, რომელმაც გუნდური და პირადი თასები ჩაიბარა და საცეკვაო იმპროვიზირებული ნომერიც დადგა.

„მადლობა ყველას, ვისაც ბოლომდე სწამდა ჩვენი. პატივისცემას იმსახურებს კლუბის ხელმძღვანელობა, ყველა ჩემი თანაგუნდელი, თითოეული ქომაგი და ჯანდაბას, არ ვიქნები თავმდაბალი – მეც ვიმსახურებ,” – ბრძანა ბედნიერმა მეფემ.