ლემპარდს წყალი შეუდგაო

ბრიტანული „ტელეგრაფის“ ინფორმაციით, „ჩელსის“ ხელმძღვანელობა მეტისმეტად უკმაყოფილოა ფრენკ ლემპარდის მუშაობით. ეს არცაა გასაკვირი. ლონდონელებმა ბოლო ექვსი შეხვედრიდან ერთადერთი მოიგეს და მეოთხე ადგილს კი ინარჩუნებენ, მაგრამ კონკურენტებს წამოწევის საშუალება მისცეს.

ლემპარდს მხოლოდ ჩემპიონთა ლიგის საგზური იხსნის. ყველა სხვა შემთხვევაში ზაფხულში ფრენკს კარისკენ მიუთითებენ. მის წინააღმდეგ ერთი ფაქტორიცაა: ლემპარდმა სათადარიგოთა სკამზე დასვა ფეხბურთის ისტორიაში უძვირესი (80 მლნ. ევრო) მეკარე კეპა. მწვრთნელის განრისხება „არსენალთან“ დერბიში ორი დარტყმიდან გაშვებულმა ორმა გოლმა გამოიწვია. თუ ლემპარდი პოსტს შეინარჩუნებს, ზაფხულში კეპას შემცვლელის ძებნა დაიწყება.

ავტორის პროფილი

გიორგი ნოზაძე: მას შეეძლო, დილის 11 საათისთვის გაზეთის ორი გვერდი მზად ჰქონოდა და გადაერეკა თანამშრომლებისთვის - ნუ შეწუხდებით, სამსახურში ნუღარ მოხვალთ, საქმე გაკეთებულია. ფეისბუკის ნამდვილი ფეისი. ის გახლავთ სოციალურ ქსელში "მოამბეც" და "ვრემიაც".