ტოჩიმ იმედი დაიბრუნა

ქართველ ფალავანს მარცხის უფლება არ ჰქონდა. მეათე დღემდე 4:5 ბალანსით მოსულს ერთიც რომ წაეგო, რვა მოგებაზე და ოძეკის ტიტულის შენარჩუნებაზე საუბარი ძალიან ძნელი იქნებოდა. ისიც გაითვალისწინეთ, რომ ბაშოს მიწურულს მეტოქეთა რანგი და სახიფათოობაც მატულობს.

ლევანს გაუმართლა, რომ ტურნირს ორივე იოკოძუნა და ერთი ოძეკი ტოვებს. ამ შანსის ხელიდან გაშვება არ შეიძლება. კიდევ სამი მოგებაა საჭირო.

დღეს ლევანმა აღმოსავლეთის მეხუთე მაეგაშირა ჩიოტაირიუ დაჩაგრა. მავაშში საყვარელი მარცხენა ჩავლების (ჰიდარი-უვატეს) მოპოვების შემდეგ ტოჩინოშინს მეტოქის დოჰიოდან გატანა აღარ გასჭირვებია.

ხვალ ჩვენებურის მეტოქე სეკივაკე ტაკაკეიშო იქნება, რომელიც რვა მოგებით ბაშოს თანალიდერია.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...