ბათუმი წინ მიიწევს

თბილისის სპორტის სასახლეში საქართველოს ხელბურთელთა ჩემპიონატის ბოლო, ოთხდღიანი ტური დაიწყო. გაირკვევა ფინალური ოთხეული, რომელიც მაისში ჩემპიონის ტიტულს გაათამაშებს.

პირველ მატჩში საქართველოს ჩემპიონმა ბათუმის BSB-მ „გორს” 61:36 მოუგო და თუ ხვალ „პეგასსაც” აჯობებს, რეგულარული ჩემპიონატში პირველ ადგილს ვეღარავინ შეეცილება.

თელავის „სტუ-იმედისა” და წყალტუბოს „პრომეთეს” შეხვედრა დაძაბული გამოდგა. მატჩის მსვლელობისას ბევრჯერ გათანაბრდა ანგარიში, თუმცა საბოლოოდ თელაველებმა 25:24 მოიგეს.

„ქუთაისმა” „სპორტის უნივერსიტეტს” 46:38 მოუგო, „პეგასმა” კი 38:22 სძლია „სამტრედიას”.

ხვალ, დღის და ტურის მთავარი მატჩი BSB vs „პეგასი” 16 საათზე დაიწყება.

ავტორის პროფილი

ლუკა თალაკვაძე: ლუკა თალაკვაძე ნამდვილი სარბიელელია. ყველას შემწე, გვერდში მდგომი, ალალი და უსაყვედურო. ჟურნალისტის პროფესიის ქიციც იცის და ქიცმაცურიც.