მიდი, მოადე! – სარბიელი

ჩემპიონშიფელი „შეფილდ უენსდისა” და მეორელიგელი „მენსფილდის” შეხვედრა თავპირისმტვრევით დამთავრდა. თუ ვინმეს ანგარიშიც აინტერესებს, „მენსფილდმა” 2:1 მოიგო. თამაში მენსფილდში იყო.

მოგეხსენებათ, ჩემპიონშიფი პრემიერლიგის ქვედა დონეა, რომლის მერეც მოდის პირველი ლიგა და აი, მას მოსდევს მეორე.

საინტერესოა, რომ თამაში დამთავრდა, ანუ 90 წუთი გავიდა და შედეგი დაფიქსირდა, როდესაც ფეხბურთელები ერთმანეთს დაეტაკნენ. ჩხუბი იყო მუშტებით. მოსეირეებმა ნოკაუტებიც დათვალეს.

სათადარიგოთა სკამებიდან საჩხუბრად მოედანზე ბევრი ადამიანი შევარდა. მაყურებლები ტრიბუნებიდან პირდაღებულები უყურებდნენ უცებ მოწოლილ სიგიჟეს.

ავტორის პროფილი

ლუკა თალაკვაძე: ლუკა თალაკვაძე ნამდვილი სარბიელელია. ყველას შემწე, გვერდში მდგომი, ალალი და უსაყვედურო. ჟურნალისტის პროფესიის ქიციც იცის და ქიცმაცურიც.