რაც გინდა თქვით, მაგრამ ნებისმიერ სფეროში და განსაკუთრებით სპორტში ბუკმეკერებს ყველაზე უტყუარი ინფორმატორები ჰყავთ.
ჯერ არ გაციებულა ზინედინ ზიდანის სავარძელი და ფსონების მიღება დაიწყო: ბუკმეკერთა ფავორიტი არსენ ვენგერია 4.0 კოეფიციენტით.
მას კვალში გუტი ანუ ხოსე გუტიერესი და მასიმილიანო ალეგრი უდგანან (7.0). მაურიციო სარის და ანტონიო კონტეს თანაბარი შანსი აქვთ – 8.0.
რადგან ვენგერზეა საუბარი, დიდი შანსია, მუსიე ვენგერს გარეთ ბეილი „რეალში“ არ დახვდეს.
კლუბის ხელმძღვანელობას რონალდუ-ბენზემა-ბეილის ტრიოდან ერთის გაყიდვა უნდა, „მანჩესტერი“ კი ბეილიში 85 მილიონ გირვანქას გამოდის.
ზარალში არც ფეხბურთელი დარჩება – ახლა ხომ წლიურ 10.8 მილიონ ევროს იღებს და ინგლისელებმა შეუთვალეს, კვირაში 500 000 გირვანქას გროშკაპიკი არ მოაკლდებაო.