საქმეს ისეთი პირი უჩანს, კარლოს ტევესი ჩინურ „შანხაი შენხუას“ დატოვებს და კარიერას მშობლიურ „ბოკა ხუნიორსში“ დაასრულებს. ვარაუდები შერეკილი ვარსკვლავის სამომავლო გეგმების შესახებ არგენტინული გუნდის გუშინდელ ვარჯიშზე მისმა დასწრებამ განამტკიცა.
თავიდან ჩინელები კარლოსს 10 თვეში 25 მილიონ დოლარს ჰპირდებოდნენ, მაგრამ 2016-ში ორწლიან და 38-მილიონიან კონტრაქტზე შეთანხმდენ.
ტევესს კვირაში 730 000 დოლარი გამოსდიოდა. სულ 20 შეხვედრაში მიიღო მონაწილეობა და 4 გოლი გაიტანა…
პედანტმა ჩინელებმა გამოთვალეს, რომ ტევესმა თითოეულ შეხვედრაში 1 898 000 დოლარი მიიღო, მისი ოთხი გოლიდან თოთოეული კი 9 490 000 დაუჯდათ. მიხვდნენ, რომ ცოტა გადააჭარბეს, მაგრამ რაღა დროს.
ტევესი ყველა წვრილმანს იმიზეზებდა სამშობლოში ვოთომდა სამკურნალოდ გასაფრენად, არ მოსწონდა კლიმატი, თანაგუნდელთა ოსტატობა…
შემოდგომაზე კლუბის ხელმძღვანელობამ ცხრილის შუაში გაჩხერილი „შანხაი შენხუას“ მწვრთნელი გუსტავო პოიეტი დაითხოვა, მისმა შეცვლელმა ჩინელმა კი ტევესი ჭარბი წონის გამო სასწრაფოდ ამოაგდო შემადგენლობიდან. ამას კონტრაქტის ვადაზე ადრე გაწყვეტაც მოჰყვა.
ავტორის პროფილი
- მას შეეძლო, დილის 11 საათისთვის გაზეთის ორი გვერდი მზად ჰქონოდა და გადაერეკა თანამშრომლებისთვის - ნუ შეწუხდებით, სამსახურში ნუღარ მოხვალთ, საქმე გაკეთებულია. ფეისბუკის ნამდვილი ფეისი. ის გახლავთ სოციალურ ქსელში "მოამბეც" და "ვრემიაც".
უახლესი პოსტები
სიახლეები21/11/2021 | 16:00დროებითი ლორან ბლანი
აქეთურ-იქითური20/11/2021 | 19:48დანი ალვეში – თავნება გენიოსი
აქეთურ-იქითური17/11/2021 | 13:13ლემპარდს ლესტერი უნდა
აქეთურ-იქითური16/11/2021 | 17:31ვინ არის ადეიემი?