მერი ბარკლით გამოვიდა

ლივერპულის მერი და „ევერტონის“ ფანი ჯო ანდერსონი ტვიტერზე სიტყვით გამოვიდა – პრემიერლიგის შეფებს სთხოვს, „ევერტონიდან“ „ჩელსიში“ როს ბარკლის გადასვლა გამოიძიონ.

„ევერტონის“ აღზრდილი 24 წლის ნახევარმცველი „ჩელსიმ“ გუშინ 15 მილიონ გირვანქად იყიდა, არადა აგვისტოში 30-ს იხდიდა და ფეხბურთელის აგენტმა გარიგება ჩაშალა.

საგულისხმოა ისიც, რომ ბარკლი ტრავმირებული იყო და ამ სეზონში წუთიც არ უთამაშია.

„ევერტონის“ ფანებისთვის ეს ტრანსფერი სილის გაწნაა – დაწერა ანდერსონმა – მე აუცილებლად მივწერ პრემიერლიგას და ასოციაციას, რომ ამ საქმეს მიხედონ. აგენტმა ჩაშალა 30 მილიონიანი გარიგება სატრანსფერო ფანჯრის ბოლო დღეს, მერე კი უთამაშებელი ფეხბურთელი 15 მილონად გაყიდეს. ლუკაკუს და სტოუნზის გაყიდვით – რომლებიც „ევერტონის“ აღზრდილნი არ იყვენენ – კლუბმა უფრო მეტი მოგება ნახა, როს ბარკლი კი ჩვენია და საუკეთესო შემთხვევაში „ევერტონი“ 20 მილიონზე მეტს ვერ მიიღებს“.

ავტორის პროფილი

ვაჟა ხუციშვილი: ვაჟა ფშაველა... უკაცრავად, ფშაველი ვაჟა, გვარად ხუციშვილი. ერთგული, ნიჭიერი და ესპანეთში ნაცხოვრები კაცია, რომელმაც „რეალის” და „ბარსელონას” ქვეყანა შიგნიდან იცის და მკითხველისთვის მრავალი საინტერესო ამბის მოყოლა შეუძლია. ხანდახან ამბობს, კუში კოშმარიაო და ვერ გაიგებ, „მაზიანების” წინააღმდეგია თუ ვიღაც კაცის სახელსა და გვარს ასახელებს.

მერი ბარკლით გამოვიდა

ავტორის პროფილი

უახლესი პოსტები