ილქაი გუინდოგანმა ლეროი სანეს „ტვიტერზე” გულთბილი სიტყვები დაუწერა — გერმანიის ნაკრების ეს ორი ფეხბურთელი ოთხი წლის განმავლობაში ერთად თამაშობდა „მანჩესტერ სიტიში”. ამიერიდან სანე „ბაირნის” ღირსებას დაიცავს. „შენ ჩემთვის ყოველთვის მეტი იყავი ვიდრე უბრალო თანაგუნდელი, — დაწერა გუინდოგანმა სოციალურ ქსელში, — მომენატრება ის დრო, როდესაც მოედანსა თუ მის გარეთ ერთად ვიყავით”. სანემ რეკორდმაისტერთან 2025 წლამდე გააფორმა...
თამაშის წინ, რაჰიმ სტერლინგისთვის ალბათ დერეფნის გაკეთება და ტაშის დაკვრა უფრო ძნელი იყო, ვიდრე „მანჩესტერ სიტის” სხვა ფეხბურთელებისთვის. სტერლინგმა ხომ 2015 წელს, „ლივერპულიდან” გამოგდების შემდეგ თავის ყოფილ გუნდს ათ შეხვედრაში ერთხელაც ვერ გაუტანა. „ლივერპული” და „სიტი” ბოლოს ნოემბერში, „ენფილდ როუდზე” შეხვდნენ ერთმანეთს და მაშინ სტერლინგი „წითლების” მოთამაშეს ჯო გომესს გაექაჩა, ხოლო ზუსტად მეორე დღეს, ნაკრების...
„ლივერპული” ინგლისის ჩემპიონია! 30 წლიანი უიღბლობა და წარუმატებლობა დასრულდა. მერსისაიდელები კვლავ მწვერვალზე ავიდნენ. სამი ათწლეული… საკმაოდ დიდი ხანი ალოდინა განგებამ. „წითლების” პირველობა გაფორმდა ლონდონში, სადაც „ჩელსიმ” „მანჩესტერ სიტის” 2:1 მოუგო — ძველ ჩემპიონს ტიტული ჩამოართვა, ახალს კი გადაულოცა. ოთხშაბათს, „კრისტალ პალასთან” 4:0 გამარჯვების შემდეგ „ლივერპულს” ერთადერთი რამ სჭირდებოდა — პეპ გვარდიოლასა და მის „ქალაქელ” კომპანიას...
კორონავირუსის პანდემია ჯერ კიდევ მძვინვარებს და კარანტინის წესებიც კვლავინდებურად ძალაშია, ამიტომ „ლივერპულის” ფეხბურთელები ისე, როგორც 2016-ში ლესტერელები, რომელიმე თანაგუნდელის სახლში ვერ შეიკრიბებიან და გახსნის პირას მიყვანილი შამპანურით ერთად ვერ დაელოდებიან კონკურენტი გუნდის შედეგს, მაგრამ დღეს ყველაფერი შეიძლება გაირკვეს: „მანჩესტერ სიტი” ლონდონში „ჩელსის” ეთამაშება. თუ „სიტი” დასავლეთლონდონელებს ვერ დაამარცხებს, „ლივერპული” 30 წლიანი ხელმოცარვის შემდეგ კვლავ ინგლისის...
„მანჩესტერ სიტის“ მთავარშემტევის, სერხიო აგუეროს მამამ, ლიონელ დელ კასტილიომ, თქვა, რომ მის შვილს მენისკი აწუხებს და სავარაუდოდ, ოპერაცია დასჭირდება. „სერხიოს ვესაუბრე. მას მუხლის ტრავმა აქვს, სავარაუდოდ მენისკი. შემოწმებას ჩაუტარებენ და დაადგენენ, რამდენად მძიმეა დაზიანება. ვფიქრობ, კვირის ბოლოს ბარსელონაში გაუკეთებენ ოპერაციას. ასეთი პრაქტიკა ერთხელ უკვე იყო,“ – უთხრა აგუეროს მამამ მედიას. სერხიო ორშაბათს, პრემიერლიგის 30-ე ტურის...
საყურადღებო რამ მოხდა მანჩესტერში, სადაც „სიტიმ” „ბარნლის” 5:0 მოუგო. თამაშის დაწყებამდე, როდესაც ფეხბურთელებმა ამერიკაში, თეთრკანიანი პოლიციელის მიერ მოკლული შავკანიანის ხსოვნის პატივსაცემად მოედნის ცენტრში მუხლი მოიყარეს, „ეტიჰედ სთედიუმს” თვითმფრინავმა გადაუფრინა. თვითმფრინავს ბანერი ჰქონდა გამობმული: White Lives Matter Burnley”. ცოტა ვრცლად: აშშ-ში, კერძოდ მინეაპოლისში, თეთრკანიანმა პოლიციელმა დერეკ ჩოვინმა შავკანიანი ჯორჯ ფლოიდი დაკავების დროს ყელზე მუხლის დაჭერით დაახრჩო,...
კაილი უოქერი „ინტერის” მთავარი სატრანსფერო მიზანი ყოფილა. „მანჩესტერ სიტის” 30 წლის მცველი, იძულებითი უქმობის თვეებში, კარანტინის დარღვევის გამო, ოთხჯერ მოექცა მას-მედიის ყურადღების ცენტრში. ახლა კი როგორც იქნა პროფესიითაც მიიპყრო ყურადღება. გასულ ოთხშაბათს, უოქერმა ეგრეთწოდებული რესტარტის პირველ შეხვედრაში ითამაშა, სადაც მან და მისმა თანაგუნდელებმა „არსენალს” შთამბეჭდავად აჯობეს 3:0. „სიტის” თავკაცმა პეპ გვარდიოლამ განაცხადა, რომ ის მარჯვენა...
ამ უქმეებზე, მერსისაიდზე, შამპანურს დროებით ყინულში ჩატოვებენ. „ლივერპულის” ყოფილმა მოთამაშემ რაჰიმ სტერლინგმა იურგენ კლოპის გუნდს ჩემპიონობა გადაუვადა. არადა, „მანჩესტერ სიტის” „არსენალთან” ფეხი რომ დაცდენოდა, „ლივერპულს” მიეცემოდა შესანიშნავი შანსი, კვირას მერსისაიდულ დერბიში გამხდარიყო ჩემპიონი. ტიტულის მაინცდამაინც „გუდისონ პარკზე”, „ევერტონთან” შეხვედრაში მოპოვება „წითლებისთვის” განსაკუთრებით ტკბილი იქნებოდა. თან, უკვე 30 წელს გადაცდა, რაც ისინი ინგლისის ჩემპიონები არ გამხდარან,...
„დორტმუნდის” ინგლისელი ყმაწვილი ჯეიდონ სანჩო თურმე მზად არის პეპ გვარდიოლას წყენა დაუვიწყოს და სამშობლოში დაბრუნდეს, რადგან ეშინია, რომ უცხოეთში გადახვეწილი, ინგლისში ყველას მიავიწყდება. ამრიგად, 20 წლის ფეხბურთელს ზაფხულზე ბუნდესლიგიდან პრემიერლიგაში სურს გადასვლა. მოგეხსენებათ, რომ აქამდე ბევრს ლაპარაკობდენ სანჩოს „მანჩესტერ იუნაიტედში” გადაბარგებაზე, მაგრამ ტრანსფერს წინააღმდეგობა შეხვდა და სანჩოს მეგობრებისთვის უთქვამს, იქნებ „სიტიში” მაინც დავბრუნდეო. „დორტმუნდის” მიერ...
არ არის გამორიცხული, რომ 21 ივნისს მერსისაიდული დერბი ლივერპულში კი არა, საუთჰემპტონში ჩატარდეს, „გუდისონ პარკიდან” 381 კილომეტრის მოშორებით. არადა, ეს არის მატჩი, სადაც შეიძლება ინგლისის ჩემპიონის ვინაობა გაირკვეს. განიხილავდნენ მატჩის ჩატარების კიდევ რამდენიმე ვარიანტს: „უემბლის”, „ტოტენჰემ ჰოთსპურის” ახალ სტადიონს და „ლესტერის” „კინგ პაუერს”. ინგლისური მას-მედია იტყობინება, რომ ჩამოთვლილი სტადიონები სამარქაფოა. თუკი დადგინდება, რომ ამა თუ...