გზა მშვიდობისა ლეროი

ილქაი გუინდოგანმა ლეროი სანეს „ტვიტერზე” გულთბილი სიტყვები დაუწერა — გერმანიის ნაკრების ეს ორი ფეხბურთელი ოთხი წლის განმავლობაში ერთად თამაშობდა „მანჩესტერ სიტიში”.

ამიერიდან სანე „ბაირნის” ღირსებას დაიცავს.

„შენ ჩემთვის ყოველთვის მეტი იყავი ვიდრე უბრალო თანაგუნდელი, — დაწერა გუინდოგანმა სოციალურ ქსელში, — მომენატრება ის დრო, როდესაც მოედანსა თუ მის გარეთ ერთად ვიყავით”.

სანემ რეკორდმაისტერთან 2025 წლამდე გააფორმა კონტრაქტი. გუინდოგანს იმედი აქვს, რომ მისი მეგობარი „ალიანს არენაზე” კარგად მოეწყობა.

„იმედი მაქვს, რომ მიუნხენში ისეთსავე მეგობრულ გარემოში მოხვდები, როგორც მანჩესტერში”, — დაწერა ნახევარმცველმა.