შემტევი გუნდი „კატენაჩოსა” და კონტრშეტევის წინააღმდეგ — აი, ეს იქნება „ნაპოლისა” და „იუვენტუსის” შეხვედრა. გავიხსენოთ, რა ვნახეთ დღევანდლამდე და გადავხედოთ ორი გუნდის ისტორიას. ერთი მხრივ არის სპალეტი, ლამაზი, გამომწვევი ფეხბურთის მოყვარული და მეორე მხრივ ალეგრი ხშირად ულამაზო, სტატიკური თამაშით, მაგრამ დიდებული დაცვით (17 ტურის შემდეგ ყველაზე ნაკლები,7 გოლი აქვს გაშვებული) და უნიკალური უნარით გაიტანოს გამარჯვების...
13 იანვარს სერია A-ში პრინციპული მატჩია: „ნაპოლი” „იუვენტუსს” მასპინძლობს. ამ შეხვედრას სპორტულ ღონისძიებათა ზედამხედველობის ეროვნულმა სამსახურმა მაღალი რისკის კატეგორია მიანიჭა. ხსენებული ორგანოს შემდეგი სხდომა ხვალ გაიმართება. მან უნდა განიხილოს დამატებითი ინფორმაცია, რომელშიც გათვალისწინებული იქნება კვირას მომხდარი ინციდენტები, შეიმუშაოს ახალი რეკომენდაციები და მიაწოდოს შინაგან საქმეთა მინისტრ მატეო პიანტედოსის. ჯერჯერობით, რეკომენდაციები ასეთია: „მარადონაზე” დასასწრები ბილეთები მიჰყიდონ „იუვენტუსის”...
თუკი სერია A-ში უიღბლო გუნდს ეძებთ, ეს ლუკა ლოჩოშვილის „კრემონეზეა”. მასიმილიანო ალვინის შეგირდებმა „იუვენტუსთან” შეხვედრაში თავი დადეს, ვაჟკაცურად იბრძოლეს, მიუხედავად იმისა, რომ მრისხანე მეტოქე ჰყავდათ, ყრუ დაცვაშიც არ ჩამდგარან, მაგრამ შეხვედრის ბოლოს, მსაჯის წამატებულ წუთებში, პოლონელმა არკადიუშ მილიკმა საჯარიმო დარტყმით გაუტანა და მთელი ჯაფა წყალში ჩაეყარათ. შედეგად, „იუვე” მეოთხე ადგილზეა, „კრემონეზე” კი მეცხრამეტეზე. კრემონელებს სერია...
პოლ პოგბა ზაფხულში „იუვენტუსში” დაბრუნდა, მაგრამ მოედანზე ჯერ ფეხი არ შეუდგამს. სულ ახლახან ის ვარჯიშს შეუდგა, მაგრამ სავარაუდოდ, სერია A-ს ჩემპიონატი რომ განახლდება, შემადგენლობაში ერთხანს კიდევ არ გამოჩნდება. და აი, ასეთ დროს ფრანგმა ნახევარმცველმა სოციალურ ქსელში გამოფინა ფოტოები, სადაც ზამთრის კურორტზეა და ნებივრობს. გასაგებია, რომ 2018 წლის მსოფლიოს ჩემპიონი არსად გაპარულა, მან საშობაო დასვენების დღეებით...
უეფამ ტურინის „იუვენტუსის“ მიმართ, შესაძლოა, მკაცრი ზომები გაატაროს და კლუბი ევროთასებიდან მოკვეთოს. სანქციები იმ შემთხვევაში ამოქმედდება, თუ „იუვენტისს“ ფინანსური დარღვევების ფაქტი დაუმტკიცდება. შეგახსენებთ, რომ ცოტა ხნის წინ მედიაში გავრცელებული ინფორმაციით, კორონავირუსის პანდემიის პერიოდში, „იუვენტუსი“ ფარულად უხდიდა ხელფასს ფეხბურთელებს, თუმც კლუბმა საჯაროდ განაცხადა, რომბიჭებმა დროებით უარი თქვეს ფულზე. „ბებერმა ქალბატონმა“ 17 ფეხბურთელს დაახლოებით 60 მილიონი ევრო...
სერბეთის ნაკრებისა და „იუვენტუსის“ თავდამსხმელმა, დუშან ვლაჰოვიჩმა, უარყო ხმები, თოთქოს რომანტიკულ ურთიერთობაშია თანანაკრებელის, მეკარე პრედრაგ რაიკოვიჩის ცოლთან, ანა ჩაკიჩთან. ჟურნალისტები ამბობენ, რომ ვლაჰოვიჩი ანას ნაკრების მუნდიალისწინა შეკრებაზე დაუახლოვდა. „სამწუხაროა, რომ მნიშვნელოვანი მატჩების წინ არასპორტულ თემაზე მომიხდა საუბარი. ამ აბსურდზე ლაპარაკი ხომ სასაცილოა. ყველა ჭორი თითქოს თანაგუნდელის მეუღლესთან რომანი მაქვს, სიცრუეა,“ – თქვა ვლაჰოვიჩმა, ვინც ყატარში...
ყატარში მიმდინარეობს მსოფლიოს ჩემპიონატი, რომელიც მდიდარია როგორც მოედანზე, ასევე მოედანს მიღმა მომხდარი უცნაური ამბებით. „კორიერე დელო სპორტმა” მაგალითად, ყურადღება მიაქცია ამერიკის შეერთებული შტატების ნაკრების ფეხბურთელის, 24 წლის ვესტონ მაკკენის საქციელს, რომლითაც მან ინგლისთან შეხვედრაში „გამოიჩინა” თავი. იტალიური გაზეთის ასეთი ყურადღება მაკკენისადმი გასაგებია, ნახევარმცველი ხომ „იუვენტუსში” თამაშობს. ქვემოთ გთავაზობთ ვიდეოს, სადაც ჩანს თუ რა გააკეთა მაკკენიმ...
ვალტერ საბატინი იტალიელი სპორტული დირექტორია. 1970-ინ წლებში ფეხბურთელი იყო. მისი კარიერის პიკი „რომაში” თამაში გახლდათ, სადაც იმ ეპოქის ვარსკვლავმა ბრუნო კონტიმ არცთუ იოლი კონკურენციის შემდეგ წაართვა ძირითად შემადგენლობაში ადგილი. დღეს, საბატინის როგორც მენეჯერს იტალიურ ფეხბურთში სიტყვა ეთქმის და ამიტომაც ჩამოართვა ინტერვიუ „სქაი კალჩო შოუმ”, სადაც მან სხვა საკითხებთან ერთად „ნაპოლის” ქართველ თავდამსხმელზე ხვიჩა კვარაცხელიაზეც ილაპარაკა....
ყატარში მსოფლიოს ჩემპიონატი იწყება, რის გამოც სერია A-ს პირველობა შეწყდა. 15 ტურის შემდეგ პირველ ადგილზე დაუმარცხებელი „ნაპოლია”. ის 8 ქულით უსწრებს უახლოეს მდევარ „მილანს” და 10 ქულით არის „იუვენტუსზე” წინ. შესაბამისად, ამ ეტაპზე ვინ ვის აჯობა გარკვეულია, მაგრამ ტურინულმა გაზეთმა „ტუტოსპორტმა” მაინც გამონახა საშუალება დაეწერა, რომ „ბებერი ქალბატონი” „აძურიზე” წინ არის. Nordpass software-ის მენეჯერმა დათვალა...
კვირას, 2 ოქტომბერს, „იუვენტუსი” „ბოლონიას” მასპინძლობს. ეს შეხვედრა „ბებერი ქალბატონისა” და იტალიის ნაკრების 35 წლის კაპიტნისთვის ლეონარდო ბონუჩისთვის ტურინელთა შემადგენლობაში 482-ე იქნება ანუ ის თამაშების რაოდენობით კლუბის ისტორიაში მეექვსე ფეხბურთელი გახდება. ბონუჩი ლეგენდარულ რობერტო ბეტეგას გაუტოლდება. — როგორ გძინავთ მნიშვნელოვანი მატჩების წინ? — ჰკითხეს კაპიტანს ჟურნალისტებმა. — გულწრფელად გეტყვით. ყოველთვის, როგორც თამაშის წინა ღამეს ასევე...