ასე გაგიჟდა იამალის მამა

ლამინ იამალმა კილიან მბაპეს რეკორდი დაამხო ― ის გახდა ყველაზე ახალგაზრდა ფეხბურთელი, რომელმაც ჩემპიონთა ლიგს ნახევარფინალში გოლი გაიტანა. იმ დღეს, როდესაც „ბარსელონამ’’ და „ინტერმა’’ „მონჟუიკზე’’ 3:3 ითამაშეს, იამალი 17 წლისა და 292 დღის იყო. არადა, ამ შეხვედრაში ევროპის ჩემპიონის მონაწილეობა კითხვის ნიშნის ქვეშ იდგა. მოთელვის დროს ითქვა, რომ ფეხბურთელს, რომელმაც 24-ე წუთზე საუცხოო გოლი შეაგდო, შეიძლება ვერც კი ეთამაშა.

აღსანიშნავია, რომ იმ მომენტისთვის, როდესაც იამალმა გოლი გაიტანა, „ინტერი’’ 2:0-ს იგებდა. ამ გოლის შემყურე მამამისი მუნირი ტრიბუნაზე სიხარულისგან კინაღამ გაგიჟდა, რაშიც ქვემოთ მოყვანილი ვიდეო დაგარწმუნებთ.

აქამდე რეკორდი კილიან მბაპეს ეკუთვნოდა. 2016-17 წლების სეზონში ის „მონაკოში’’ თამაშობდა და 18 წლისა და 140 დღის იყო, როდესაც „იუვენტუსს’’ გაუტანა.