ოქროქალი

ძიუდოში ახალი საერთაშორისო ტურნირი გამოჩნდა – ევროპის ღია პირველობა.

ძიუდოსთვის საკმაოდ სოლიდური საპრიზო ფონდით (300 ათასი ევრო). შეჯიბრება კაცთა და ქალთა შორის თითო წონაში იმართება. პრიშტინაში 73 კილოგრამამდე წონითი კატეგორიის კაცები და 52 კილოგრამამდე წონითი კატეგორიის ქალები შეიკრიბნენ.

ჩვენგან კოსოვოს დედაქალაქში ლაშა შავდათუაშვილი და ეთერ ლიპარტელიანი ჩავიდნენ. ორივეს შეეძლო მედლის მოპოვება, მაგრამ ეს მხოლოდ ლიპარტელიანმა მოახერხა, ვინაც ოქრო ირგუნა. ლიპარტელიანმა ფინალში ისრაელის წარმომადგენელ ტიმნა ნელსონ-ლევის 32 წამში ორი ვაზარი აუღო და ახალი ტურნირის ისტორიაში ჩაეწერა. ფინალამდე ლიპარტელიანმა ესპანელი ხაიონ ეკუისოაინი, თურქი აისენურ კარადაღი და მასპინძელი ნორა დიაკოვა დაამარცხა. ლიპარტელიანმა ოქროსთან ერთად 55 000 დოლარიც ირგუნა. სამწუხაროდ, ლაშა შავდათუაშვილი მესამე ადგილისთვის შეხვედრაში აზერბაიჯანელ ჰიდაიატ ჰეიდაროვთან დამატებით დროში დამარცხდა და მედლის გარეშე დარჩა.