მარცხი ყინულზე

2026 წლის ზამთრის ოლიმპიური თამაშების წინასაკვალიფიკაციო ჯგუფურ ეტაპი საქართველოს ჰოკეის ნაკრებმა ნიდერლანდებთან მარცხით დაიწყო – 2:8.

ჯგუფის მასპინძელი და ფავორიტი სწორედ ნიდერლანდებია და ჩვენი გუნდი მეტოქეს ტოლ-სწორად მხოლოდ ორი პერიოდი ეთამაშა. მატჩის ნახევარზე მეტი ისე გაილია, რომ საქართველო ერთი ბურთით აგებდა, მაგრამ მასპინძლებმა დასკვნითი ნაწილი ბევრად უკეთ ჩაატარეს და დიდი ანგარიშით მოიგეს.

მომდევნო მატჩი საქართველოს ნაკრებს ესპანეთთან აქვს, რომელმაც ტაილანდი 15:2 გაანადგურა. ესპანელებთან ერთხელ გვაქვს ნათამაშები – შარშან აპრილში, მადრიდში, 0:2 დავმარცხდით.