საქართველო ლიგის და ტურის სიმბოლურში

საფეხბურთო სტატისტიკის ვებ გვერდმა Whoscored.com-მა ერთა ლიგა C4 ჯგუფის მე-6 ტურის სიმბოლურ ნაკრები დაასახელა, რომელიც ქართულ-ბულგარული გამოვიდა.

ტურის სიმბოლურში ნახევარდაცვა მთლიანად საქართველოს ნაკრების ფეხბურთელებითაა დაკომპლექტებული: მარჯვენა ფლანგზე საბა ლობჟანიძე (6,5 ქულით), ცენტრალურ ნახევარმცველებად გიორგი წიტაიშვილი (7,6) და ხვიჩა კვარაცხელია (7,8), მარცხენა შემტევად ირაკლი აზაროვი (6,9), ხოლო თავდასხმაში ბუდუ ზივზივაძე (7,5).

ამავე ვებ გვერდმა რჩეულთა სია 6 ტურის საშუალო შეფასებებითაც შეადგინა და დაასახელა C4 ჯგუფის საბოლოო სიმბოლური ნაკრები, სადაც 11-დან 7 ქართველია, 2-2 კი ბულგარელი და ჩრდილომაკედონიელი.

მეკარე – გიორგი მამარდაშვილი (7,2 – საქართველო)

მცველები – საბა ლობჟანიძე (7,1 – საქართველო), გურამ კაშია (7,1 – საქართველო), საბა კვირკველია (7,2 – საქართველო), ანტონ ნედიალკოვი (6.9 – ბულგარეთი)

ნახევარდაცვა – კირილ დესპოდოვი (7.0 – ბულგარეთი), ხვიჩა კვარაცხელია (8,2 – საქართველო), ენის ბარდი (7,2 – ჩრ. მაკედონია), გიორგი წიტაიშვილი (7,2 – საქართველო)

თავდასხმა – ბუდუ ზივზივაძე (7,3 – საქართველო), დარკო ჩურლინოვი (7,1 – ჩრ. მაკედონია)