ცოტა ფანტაზია, ხვიჩა და ვილი

საქართველოს ნაკრებმა ერთა ლიგა გიბრალტართან მატჩით დაასრულა. ვილი სანიოლის გუნდმა 2:1 მოიგო და ეროვნული გუნდის ისტორიაში პირველად ჩაატარა ზედიზედ 11 მატჩი წაუგებლად. გარდა ამისა, საქართველომ მოიგო C ლიგის ჯგუფი და B ლიგაშ აღზევდა, არამედ, საუკეთესო შედეგი აჩვენა, რითიც 2024 წლის ევროპის ჩემპიონატის ფლეი ოფის ნახევარფინალში მოედნის უპირატესობა მოიპოვა. თუ ვინ იქნება ჩვენი მეტოქე, ეს ცნობილი 27 სექტემბერს, საბერძნეთისა და ჩრდილოეთ ირლანდიის მატჩის დასრულების შემდეგ გახდება.

იქამდე კი გიბრალტართან მატჩი. მოვიგეთ, მაგრამ ვერ ვიტყვით, რომ კარგად ვითამაშეთ. როგორც ჩრდილოეთ მაკედონიასთან, ისე ამჯერადაც არ ჩანდა მწვრთნელის ხელი. არადა, ზემოთ წაუგებელი მატჩების რეკორდზე ვსაუბრობდით.

მიუხედავად ამისა, სანიოლის ნამუშევარი უფრო ერთი ადამიანის საფეხბურთო უნარებია და ეს ხვიჩა კვარაცხელიაა, რომლის გარეშე ნაკრები უფანტაზიოდ თამაშობს და მომენტების შექმნა უჭირს.

პირველი გოლიც სრულიად კვარაცხელიას დამსახურებაა, რომელმაც მისივე წაქცევისთვის დანიშნნული პენალტი შეაგდო. მეორე გოლიც ინდივიდუალური ხასიათის იყო – გიორგი წიტაიშვილი შესანიშნავად გაძვრა მეტოქის ყრუ დაცვაში.

წინ ორი რუთული მატჩია და სანიოლს მძიმე პერიოდი ექნება…

ჰო, ნაკრებში მე-100 მატჩი ითამაშა კაპიტანმა გურამ კაშიამ და მესამე ფეხბურთელმა გახდა, რომელმაც ამ ნიშნულს მიაღწია. მანამდე იგივე ყოფილ კაპიტნებს – ლევან კობიაშვილსა და ჯაბა კანკავას გაუკეთებიათ.