„მაიამი ჰიტი“ იმდენად არის მოწადინებული იანის ადეტოკუმბოს ხელში ჩასაგდებად, რომ მზად არის მის სანაცვლოდ სამ კალათბურთელს შეელიოს. საუბარი მიდის ტაილერ ჰიროუზე, კენდრიკ ნანიზე და დანკან რობინსონზე.
თავად ადეტოკუმბოს კი უფლება აქვს „მილუოკი ბაქსთან“ 5-წლიანი კონტრაქტი გააფორმოს. თანხა გაინტერესებთ? 228-240 მილიონი დოლარის ფარგლებში. ეს ყველაფერი 21 დეკემბრამდე უნდა მოხდეს, როდესაც სუპერმაქსიმალური კონტრაქტის დედლაინის ვადა იწურება.
თუ ასე მოხდა, მაიმელებს სათადარიგო ვარიანტიც აქვთ – „ვაშინგტონის“ შემტევი მცველი ბრედლი ლი, თუმც „ვიზარდსში“ გაცვლას გამორიცხავენ.
ადეტოკუმბოზე ბევრს არაფერს გეტყვით – ბერძენი კალათბურთელი NBA-ს ორგზის MVP გახლავთ და ამით ყველაფერია ნათქვამი. რაც შეეხება ლის: წინა სეზონში კალათბურთელი საშუალო მაჩვენებელი 30,5 ქულა, 4,2 მოხსნა და 6,1 პასი იყო. ცხადია, ასეთი კალათბურთელის ხილვა გუნდში ყველას სურს.
