რებეკა, შე ბოზო – სარბიელი

უეინ რუნის მეუღლე კოლინმა ჯეიმი ვარდის თანამეცხედრე რებეკა ჯაშუშობაში ამხილა. როგორც აღმოჩნდა, ვარდის გულის ვარდმა, რუნების საცვალი მზის სინათლეზე გამოჰფინა, ანუ, ჭორიკანა ბრიტანულ ტაბლოიდ The Sun-ს მიჰყიდა და ამით ხელიც გვარიანად მოითბო.

„ის ჩემიანად მიმაჩნდა, ვმეგობრობდით და ბოროტად ისარგებლა ჩემი ნდობით. მას წვდომა ჰქონდა ჩემს იმ პროფილთან, სადაც მხოლოდ ძალიან შინაურები მყავდა დამატებული,” – განაცხადა რუნის მეუღლემ…

საქმე კი ასე იყო: კვირიდან კვირამდე Sun-ში კოლინზე და მის ოჯახზე სხვადასხვა ცნობები ვრცელდებოდა. კოლინიც ჩაჰყვა საახლობლო სიას და დაკვირვების და ერთგვარი ანალიზის შედეგად ეჭვი რებეკაზე მიიტანა. ეჭვს, ცხადია, დამტკიცება სჭირდებოდა და კოლინმაც ხერხს მიმართა – რებეკას გარდა ყველას გაუუქმა საკუთარ პროფილზე წვდომა და ყალბი ისტორიები განათავსა პირად გვერდზე.

ამ ამბებმა კი მალე Sun-ის ფურცლებზე გადაინაცვლა…

ამას ასე არ დავტოვებო, უთქვამს გამწარებულ კოლინ რუნისას და ინგლისელთა ვარაუდით საქმე სასამართლომდე მივა.

ავტორის პროფილი

პაატა კვანტალიანი: პაატა კვანტალიანი „სარბიელით“, მეგობრობით, ერთგულებით და „ლივერპულით“ გაჟღენთილიი პროფესიონალია. YNWA (შენ არასდროს ივლი მარტო) - ეს პაატას დევიზია!