ქართული დინამიტი დანიაში

ტრიუმფით დაასრულა სკანდინავიური ვოიაჟი „ნორჩი დინამოელის“ U11-ის გუნდმა. თბილისელები 13 ივლისს ორი გუნდით გაემგზავრნენ შვედეთში და Gothia Cup ში ჩაებნენ.

ამ ტურნირს გუნდები, მსოფლიოში ერთერთ უმსხვილეს ახალგაზრდულ საფეხბურთო ფორუმში-Dana Cup-ში მონაწილეობისთვის იყენებენ. ქართველებმა შვედეთში 6 ამხანაგური მატჩი გამართეს, ორი მარცხის საპირწონედ, სამი მოიგეს, ერთიც ფრედ დაასრულეს, ამ გამოცდილებით დანიას ეწვივნენ და 22 ივლისიდან ტურნირში ჩაებნენ.

„ნორჩ დინამოელთა“ თეთრი გუნდი ჯგუფიდან მესამე ადგილით გავიდა მერვედფინალში. პარალელურად, უდანაკარგოდ იასპარეზა დინამოელთა ლურჯმა გუნდმა და გოლგაუშვებლად მოიგო სამივე მატჩი ბურთების შთამბეჭდავი საერთო ბალანსით:18-0. პლეი-ოფში ლურჯებმა დანიელებს სძლიეს 4-1, მეოთხედფინალში გიბრალტარელები ჩამოიშორეს – 4-0 და სამწუხაროდ ფინალში გამსვლელი მატჩი მომავალ გამარჯვებულთან-დანიის Aab-თან დათმეს. ამ შედეგით ჩვენი გუნდი მესამე საპრიზო ადგილზე გავიდა.

გაცილებით წარმატებული აღმოჩნდა თეთრების გზა – ჩვენმა ნორჩებმა პლეიოფში ნიგერიის (3-2) და ორჯერ დანიის (6-3,2-1) გუნდები გამოთიშეს და გადამწყვეტ მატჩში კვლავ მასპინძლების Tars Ugit-ის წინააღმდეგ დადგნენ. ფინალი „ნორჩი დინამოელის“ დიდი უპრატესობით (4-0) დასრულდა და ჩვენმა პატარებმაც უზომო სიხარული განიცადეს.

ასეთ ასაკში,სწორედ რომ, ფასდაუდებელია საერთაშორისო გამოცდილება, რაც სამომავლოდ უთუოდ წაადგება ჩვენს გუნდს და ზოგადად ქართულ ფეხბურთს