ამხანაგური ფრე – სარბიელი

საქართველოს ნაკრებმა მიხეილ მესხის სახელობის სტადიონზე ამხანაგურ მატჩში ისრაელს უმასპინძლა და 2:2 ეთამაშა.

თამაშის დასაწყისში ვილი სანიოლის ტაქტიკა ნათელი გახდა. გუნდი დაცვაში 5-3-2 სისტემით თამაშობა, შეტევაში კი 4-4-2-ზე ეწყობოდა.

პირველ ტაიმში ბურთს უფრო ჩვენ ვაკონტროლებდით, მაგრამ სხიფათო მომენტების შექმნა გვიჭირდა. კარში პირველად 36-ე წუთზე დავარტყით – კვარაცხელიას კუთხურის შემდეგ ლოჩოშვილმა ბურთი ხარიხას გაარტყა, მაგრამ შეტევა გაგრძელდა და ხვიჩამ უკვე საჯარიმოს გარედან დაარტყმით ანგარიში გახსნა – 1:0.

მეორე ტაიმი სტუმრებისა იყო. ბურთის მეტოქის ნახევარზე გადატანა კი არა, საჯარიმოდან ამოტანაც გვიჭირდა. 54-ე წუთზე ისრაელის კარს ორი კაცით მივუახლოვდით და ხვიჩამ ისევ საჯარიმოს გარედან გაისროლა – 2:0.

დარჩენილ დროში ბურთს ძირითადად მეტოქე აკონტროლებდა და ჩვენს კარში გოლებიც ლოგიკური იყო: ჯერ შორეული დარტყმის შემდეგ ბურთი მექვაბიშვილისგან ასხლეტით ჩვენს კარში შევარდა. კიდევ ოთხ წუთში უკვე ანგარიში 2:2 იყო. ამჯერად ნახევარდაცვა და დაცვა ჩავარდა.

დარჩენილ დროში გოლი აღარ გასულა და თამაშიც ფრედ მორჩა…

შეიძლება იყოს ფეხბურთი, ამერიკული ფეხბურთი და ტექსტი, რომელშიც ნაჩვენებია „4 Ⅱ N“ გამოსახულება