შეგუებული მარცხი

2026 წლის მსოფლიო ჩემპიონატის შესარჩევი ეტაპის ბოლო საშინაო მატჩი საქართველოს ნაკრებმა ესპანეთთან გამართა და დიდი ანგარიშით დამარცხდა – 0:4.

თამაში სტუმართა უპირატესობით დაიწყო და ბოლომდე ასეც გაგრძელდა. მატჩის ბედი პირველივე ტაიმში გადაწყდა. პირველი გოლი პენალტით გავიდა, რომელიც მსაჯმა VAR-ზე გადამოწმების შემდეგ დანიშნა. 11-მეტრიდან მიკელ ოიარსაბალის დარტმული ზუსტი აღმოჩნდა.

მეორე გოლისას ფაბიან რუისმა მარტინ ზუბიმენდი მეკარესთან პირისპირ დატოვა ესპანელმა შემტევმაც შანსი არ გაუშვა; 35-ე წუთზე ანგარიში უკვე 3:0 იყო – ოიარსაბალის პასით ფერნან ტორესმა შეაგდო.

მეოთხე გოლი შესვენების შემდეგ გავიდა – ტორესმა და ოიარსაბალმა როლები გაცვალეს.

ესპანეთს თავი აღარ მოუკლავს და მატჩი მშვიდად მიიყვანა გამარჯვებამდე…