მამუს მოგება, გოგას მარცხი

Sandro Mamukelashvili settles in with Raptors, scores 15 points to win over Bucks - Yahoo Sports სანდრო მამუკელაშვილისა და გოგა ბითაძის იდენტურად მიმავალი გზა NBA-ს მერვე მატჩში გაიყო. თუ აქამდე ორივე ქართველის გუნდი ერთად იგებდა და ერთად აგებდა, დღეს დილით „ტორონტომ“ მოიგო, ხოლო „ორლანდომ“ წააგო.

კანადელებმა საკუთარ მოედანზე მამუკელაშვილის ყოფილ გუნდს, „მილუოკი ბაქსს“ ეთამაშა და 128:100 გაიმარჯვა. ქართველმა კალათბურთელმა მოედანზე 23 წუთი დაჰყო, რა დროშიც გუნდს 15 ქულით, 7 მოხსნითა და 1 პასით შეეწია.

მამუკელაშვილმა შვიდიდან სამი ორქულიანი და ხუთიდან სამი სამქულიანი ჩააგდო. პასივში ერთადერთი დადკარგვა ჰქონდა. ქულების მიხედვით სანდრო გუნდში მესამე იყო, ხოლო პლუს-მინუსით საუკეთესო.

გოგა ბითაძის „ორლანდო“ კი „ატლანტა ჰოუკსთან“ დამარცხდა – 112:127. გოგამ მოედანზე 13 წუთი გაატარა. მისი მონაგარი მწირი იყო – 4 ქულა, 4 მოხსნა 2 პასი. თუმცა, რაც ისროლა ყველაფერია ჩააგდო – ერთი ორქულიანი და ორი საჯარიმო. სადღეისოდ „ტორონტოს“ ოთხი მოგება და ოთხი მარცხი აქვს და აღმოსავლეთ კონფერენციაში მე-8 ადგილზეა, ხოლო „ორლანდო“ სამი მოგებითა და ხუთი მარცხით მე-12 ადგილზე.

მომდევნო მატჩს „ტორონტო“ „ატლანტასთან“ ითამაშებს, ხოლო „ორლანდო“ – „ბოსტონთან“.