0:2 ესპანეთში… – სარბიელი

მსოფლიო ჩემპიონატის შესარჩევი ეტაპის მატჩში საქართველოს ნაკრები სტუმრად ესპანეთს დაუპირისპირდა და 0:2 დამარცხდა.

ამ შეხვედრას ესპანეთი დიდი დანაკლისით შეხვდა, ტრავმების გამო ვერ ითამაშეს ლამინე იამალმა, ნიკო უილიამსმა, როდრიმ, ფაბიან რუისმა, დინ ჰუისენმა, ფერმინ ლოპესმა და დანი კარვახალმა. თუმცა ევროპის მოქმედი ჩემპიონის თამაშს მათი არყოფნა დიდად არ დატყობია.

თამაში ესპანელთა დიდი უპირატესობით წარიმართა და რომ არა გიორგი მამარდაშვილი, მასპინძლები დიდი ანგარიშით მოიგებდნენ – საქართველოს ნაკრების მეკარემ პენალტი მოიგერია და რამდენიმე რთული ბურთი აიაღო.

სამი ტურის შემდეგ ესპანეთი 9 ქულით ჯგუფის ლიდერია, მეორე ადგილზე თურქეთის ნაკრებია, რომელმაც ბულგარეთი დიდი ანგარიშით, 6:1 დაამარცხა.

საქართველოს ნაკრები მომდევნო მატჩს სწორედ თურქეთთან გამართავს – შეხვედრა ქალაქ იზმითში 14 ოქტმბერს გაიმართება და 22:45 საათზე დაიწყება.