მარსელი-პსჟ ხვალისთვის გადაიდო! კი მაგრამ ოქროს ბურთი?

ფრანგული მედია რამდენიმე დღეა აცხადებდა, რომ ბუშ-დიუ-რონის თავს დატეხილი ავდრის გამო დღევანდელი შეხვედრა „მარსელსა” და „პარი სენ ჟერმენს” შორის საფრთხის ქვეშ იდგა და აი, რეგიონის პრეფექტის გადაწყვეტილებით მატჩი გადაიდო. ის ხვალ, საქართველოს დროით 22 საათზე გაიმართება.

უცნაურია, მაგრამ ფაქტია: ხვალ ზუსტად იმავე დროს პარიზში „ფრანს ფუტბოლის” „ოქროს ბურთის” დაჯილდოვებაა. პსჟ-ს ფეხბურთელთაგან მას დაესწრებიან დაშავებულები ოსმან დემბელე და დეზირე დუე, მაგრამ ლუის ენრიკე და დანარჩენი ვარსკვლავები, რომლებიც ასევე ნომინირებულნი არიან, მარსელში ფეხბურთს ითამაშებენ. მათ შორის იქნება ხვიჩა კვარაცხელიაც.

OM supporters at the Orange Vélodrome