რეალი პარიზში არ ჩავა

Manchester City's Rodri with his Ballon d'Or trophy ahead of the Premier League match at the Etihad Stadium, Manchester. Picture date: Saturday... 22 სექტემბერს პარიზში „შატლეს თეატრში’’ „ოქროს ბურთის’’ დაჯილდოება გაიმართება, რომელსაც „რეალის’’ წარმომადგენლები კვლავ არ დაესწრებიან. მოგეხსენებათ, მადრიდელები „ფრანს ფუტბოლის’’ დაჯილდოებაზე არც შარშან მივიდნენ, როდესაც ჯილდო „მანჩესტერ სიტის’’ ესპანელ ნახევარმცველ როდრის გადასცეს.

„მარკა’’ წერს, რომ მიზეზი „ლოს ბლანკოსს’’ და ღონისძიების ორგანიზატორებს, „ფრანს ფუტბოლსა’’ და უეფას შორის გაფუჭებული ურთიერთობებია. ერთი წლის წინ „თეთრები’’ განაწყენდნენ როდესაც გაიგეს, რომ „ოქროს ბურთი’’ მათმა ბრაზილიელმა ვარსკვლავმა ვინისიუსმა კი არა, როდრიმ მოიგო.

როგორც ევროპული მედია იტყობინება „ფრანს ფუტბოლი’’ რამდენიმე დღის წინ დაუკავშირდა „რეალს’’, ესპანეთის დედაქალაქში დელეგაციაც კი გაუშვა, მაგრამ შეხვედრამ სასიკეთო შედეგი ვერ მოიტანა. შედეგად, ფლორენტინო პერესი და მისი ამალა 22 სექტემბერს პარიზში არ ჩავლენ.

არიან თუ არა წლეულს „ოქროს ბურთის’’ 30 ნომინანტს შორის „რეალის’’ ფეხბურთელები? რასაკვირველია არიან: კილიან მბაპე, ჯუდ ბელინგემი და ვინისიუსი. რაც შეეხება მეკარე ტიბო კურტუას, მას ლევ იაშინის სახელობის ჯილდოს მიღების შანსი აქვს.

ნომინანტთა შორის არის საქართელოს ნაკრებისა და „პარი სენ ჟერმენის’’ გარემარბი ხვიჩა კვარაცხელია.