სალაჰი მესამედ!

Mohamed Salah poses with the Men’s PFA Players' Player of the Year award during the PFA Awards 2025 at the Manchester Opera House on August 19, 2025... მოჰამედ სალაჰი ინგლისში მესამედ დაასახელეს სეზონის საუკეთესო ფეხბურთელად, რაც რეკორდია.

ჯილდო მას სამშაბათს მანჩესტერში გადასცეს, სადაც ცერემონიალს უამრავი ვარსკვლავი ესწრებოდა. ლივერპულელთა სასიხარულოდ, მათი გუნდის ბევრი ფეხბურთელი მოხვდა სეზონის საუკეთესო სიმბოლურ გუნდშიც.

სალაჰს ეს ინდივიდუალური ტიტული 2018 და 2022 წლებშიც ჰქონდა მოგებული. მან გასულ, საჩემპიონო სეზონში, პრემიერლიგის 38 შეხვედრაში 29 გოლი გაიტანა და 18 საგოლე გადაცემა შეასრულა. ყველა შეჯიბრებაში ეგვიპტელმა 34 გოლი და 23 საგოლე პასი მოინაგრა.

წლის საუკეთესო ფეხბურთელის ჯილდო ერთზე მეტჯერ მოგებული აქვთ მარკ ჰიუზს, ტიერი ანრის, კრიშტინუ რონალდუს, გარეთ ბეილს და კევინ დე ბრუინს.

საუკეთესო ფეხბურთელის ნომინაციაზე წარდგენილთა შორტ ლისტში იყვნენ სალაჰის არგენტინელი თანაგუნდელი ალექსის მაკალისტერი, „ნიუკასლის’’ შვედი თავდამსხმელი ალექსანდრ ისაკი, „მანჩესტერ იუნაიტედის’’ პორტუგალიელი კაპიტანი ბრუნო ფერნანდეში და ორი ინგლისელი, „ჩელსის’’ კოულ პალმერი და „არსენალის’’ დეკლან რაისი.

საუკეთესო ახალგაზრდა ფეხბურთელად დაასახელეს „ასტონ ვილას’’ ნახევარმცველი მორგან როჯერსი.

2024/25 წლების სეზონის სიმბოლურ ნაკრებში მოხვდა ოთხი ლივერპულელი: სალაჰი, მაკალისტერი და ჰოლანდიელები ვირჯილ ვანდაიკი და რაიან გრავენბერხი.