ლუკა, გიორგი… აბდულა

2 აგვისტოდან ეროვნული ლიგა განახლდება. ორთვიანი შესვენების პერიოდში ქართული გუნდების შემადგენლობაში მნიშვნელოვანი ცვლილებები მოხდა.

გამონაკლისი არც თბილისის „დინამოა“ გუნდმა რამდენიმე ახალი ფეხბურთელი დაიმატა.

დედაქალაქურ კლუბში გააგრძელებს კარიერას ლუკა ლაცაბიძე – დონეცკის „შახტარის“ ფეხბურთელმა გასული სეზონი იჯარით ოდესის „ჩერნომორეცში“ გაატარა, ახლა კი სეზონის ბოლომდე „დინამოში“ ითამაშებს.

„დინამოს“ დაუბრუნდა გიორგი ხარაიშვილი, რომელიც ბოლოს აზერბაიჯანის ჩემპიონატში „სუმგაითში“ გამოდიოდა – გიორგი „დინამოს“ თავისუფალი აგენტის სტატუსით შეუერთდა.

მათ გარდა ლადო კაკაშვილის გუნდმა ერთი ლეგიონერიც დაიმატა – აბდულა იორო – 18 წლის კოტდ’ივუარელი ნახევარმცველი, რომელიც „დინამოში“ თურქული „ბაშაქშეჰირიდან“ ერთწლიანი იჯარით გადავიდა.

ავტორის პროფილი

ლუკა თალაკვაძე: ლუკა თალაკვაძე ნამდვილი სარბიელელია. ყველას შემწე, გვერდში მდგომი, ალალი და უსაყვედურო. ჟურნალისტის პროფესიის ქიციც იცის და ქიცმაცურიც.