მაიამიში ლეოს გაბრაზების ეიმედებათ

Lionel Messi of Inter Miami CF in action during the FIFA Club World Cup 2025 group A match between Internacional CF Miami and SE Palmeiras at Hard... კვირას კლუბთა მსოფლიოს ჩემპიონატის მეოთხედფინალში „პარი სენ ჟერმენი’’ „ინტერ მაიამის’’ ხვდება ანუ პარიზელთა წინააღმდეგ მათი ყოფილი ფეხბურთელი ლეო მესი ითამაშებს. ამბობენ, თუკი მესი პსჟ-ზე გაბრაზებულია, ეს ამერიკულ გუნდს წაადგებაო. თავად ფლორიდელთა თავკაცმა, წარსულში ცნობილმა არგენტინელმა ვარსკვლავმა ხავიერ მასჩერანომ ილაპარაკა ESPN-თან ამის შესახებ.

მასჩერანო: „რად უნდა თქმა, რომ თუ მესი ბრაზით ითამაშებს ჩვენთვის უკეთესი იქნება. ის გახლავთ ფეხბურთელი, რომელსაც თუკი გუნებაში რაღაც აქვს, მის შესასრულებლად ყველაფერს გააკეთებს. თუმცა, მგონია, რომ ლეოს ემოცია „პარი სენ ჟერმენთან’’ დაკავშირებით უკვე წარსულს ჩაბარდა ახლა უკვე სხვა დროა’’.

მესიმ „პარი სენ ჟერმენში’’ 2021-დან 2023 წლამდე ორი სრული სეზონი გაატარა. ამ ხნის განმავლობაში გუნდი ჩემპიონთა ლიგას ორჯერ მერვედფინალში გამოეთიშა, არადა კლუბის მთავარი მიზანი სწორედ ჩემპიონთა ლიგაში გამარჯვება იყო და მესიც ამიტომ ჰყავდათ ნაყიდი.

არგენტინელმა პსჟ დატოვა და „ინტერ მაიამიში’’ გადავიდა, საიდანაც პერიოდულად საფრანგეთის ჩემპიონს ცუდად იგონებს.

„პარიზში თავიდან სასტუმროში ვცხოვრობდი, რაც სასიამოვნო არ იყო. იქ გავატარე ორი წელიწადი, რომელთა განმავლობაშიც ბედნიერი არ ვიყავი. იქ ცხოვრება და თამაში არ მსიამოვნებდა, რაც ჩემს ოჯახსაც დაეტყო’’, ― თქვა „ოქროს ბურთის’’ შვიდგზის გამარჯვებულმა და ფიფას ვერსიით მსოფლიოს რვაგზის საუკეთესო ფეხბურთელმა.