ალეგრი მილანში წავიდა

შეიძლება იყოს 4 ადამიანი, ფეხბურთის თამაშში ჩართულები, (ამერიკული) ფეხბურთის მოთამაშე ადამიანები and ტექსტი, რომელშიც ნაჩვენებია „Emsates Em ates Fly Fly liraes“ გამოსახულება მასიმილიანო ალეგრი „მილანის’’ ახალი მწვრთნელია. მან სერჟიო კონსეისაო შეცვალა. კლუბსა და ფეხბურთის ლივორნოელ სპეციალისტს შორის შეთანხმება შედგა. ალეგრის „როსონერი’’ ადრეც გაუწვრთნია: 2010 წლის ზაფხულიდან 2014 წლის იანვრამდე.

როგორც იტალიური წყაროები იტყობინებიან, გარიგებაში გადამწყვეტი როლი მილანელთა ახალმა სპორტულმა დირექტორმა ალბანელმა ვეტერანმა იგლი ტარემ ითამაშა. ის პირადად შეხვდა „კალიარისა’’ და „იუვენტუსის’’ ყოფილა თავკაცს და საქმე მოაგვარა. გუშინ მან ალეგრის აგენტთანაც დაასრულა მუშაობა.

მხარეებმა ხელშეკრულებას ხელი წუხელ მილანის ცენტრში, კორსო მაჯენტაზე მოაწერეს. ხელმოწერას „როსონერის’’ დირექტორი ჯორჯო ფურლანიც ესწრებოდა. მხარეებმა გადაწყვიტეს ამ ეტაპზე რაიმე განცხადებისგან თავი შეეკავებინათ.

აქამდე ისე ჩანდა, რომ ალეგრი „ნაპოლის’’ თავკაცი უნდა გამხდარიყო, მაგრამ ბოლო დღეებში საქმეში „როსონერი’’ ჩაერია და ვითარება შემოტრიალდა. ცნობილი გახდა, რომ მხარეები სამწლიან თანამშრომლობაზე შეთანხმდნენ. მწვრთნელის გასამრჯელო იქნება წელიწადში 5 მილიონი ევრო.

ალეგრის ბანაკში იმუშავებენ მისი ყოფილი იუვენტუსელი ფეხბურთელი სიმონე პარდონი და მუდმივი ასისტენტი მარკო ლანდუჩი.