ნაპოლის კვარაცხელიას მხოლოდ შოკი თუ დაათმობინებს

Referee Luca Pairetto and Khvicha Kvaratskhelia of SSC Napoli during the Serie A TIM match between SSC Napoli and Bologna FC at Stadio Diego Armando... იტალიურ მედიაში უკვე ყოველდღე ლაპარაკობენ ხვიჩა კვარაცხელიას შესახებ. გუშინ რომაულმა „კორიერე დელო სპორტმა” დაწერა:

„ნაპოლის კვარას დაკარგვა არ სურს, კლუბის ხელმძღვანელობას ამის დაშვებაც კი არ უნდა, მაგრამ თუ ის ნეაპოლიდან მაინც წავა, ეს უნდა მოხდეს ისეთი შეთავაზების შედეგად, რომელიც პრეზიდენტ აურელიო დე ლაურენტისს შოკს მოჰგვრის. ერთი წლის წინ ქართველი ტალანტი ფასდაუდებელი იყო, თუმცა დღეს, ინდივიდუალური თუ გუნდური ჩავარდნებით სავსე სეზონის ბოლოს, კლუბი მას მაინც სულ მცირე 130 მილიონ ევროდ აფასებს.

„ნაპოლიმ” პსჟ გააფრთხილა: ის მარგალიტია, საკოლექციო ნიმუში, რომლითაც დე ლაურენტისი ახალ მწვრთნელთან თავის მოწონებას აპირებს. სხვა სიტყვებით პრეზიდენტს კვარაცხელიასთან კონტრაქტის განახლება უნდა. მოლაპარაკებები სრული სვლით მიმდინარეობს. „რომასთან” შეხვედრის დღეებში ის შეხვდა ფეხბურთელის აგენტს მამუკა ჯუღელსა და მამას ბადრი კვარაცხელიას. მხარეები მალე კვლავ მიუსხდებიან მოლაპარაკებათა მაგიდას”.