არაფერი ახალი – სარბიელი

შეიძლება იყოს 5 ადამიანი, ფეხბურთის მოთამაშე ადამიანები, (ამერიკული) ფეხბურთის მოთამაშე ადამიანები and ტექსტი გამოსახულება „კრისტალბეთ ეროვნული ლიგის“ მე-13 ტურში ლიდერთა ოთხეულმა ამჯერადაც ვერ გაიმარჯვა: „იბერიამ“ თბილისურ დერბიში „დინამოსთან“ წააგო, „დილამ“ და ტორპედომ“ ერთმანეთთან 1:1 ითამაშეს, „ბათუმი“ კი „თელავს“ დაუზავდა. სატურნირო განლაგებაც არ შეცვლილა.

„ტორპედომ“ ზედიზედ მეხუთე ფრე ითამაშა.

„თელავი“ 64-ე წუთამდე უგებდა „ბათუმს“ მაკსიმ მაიროვიჩის ადრეული გოლით, შემდეგ პაატა ღუდუშაურმა გაათანაბრა. თელაველთა მთავარი მწვრთნელის პოსტზე დებიუტი ჰქონდა სომეხ სპეციალისტს, არმენ ადამიანს.

სხვათა შორის, „ბათუმმა“ მიმდინარე სეზონში შინ პირველად ითამაშა ფრედ.

„დინამომ“ ბოლო ოთხ მატჩში პირველად გაიმარჯვა. ეს მოგება მათთვის ფსიქოლოგიური თვალსაზრისით გახლდათ ძალიან მნიშვნელოვანი. ახალგაზრდა გუნდია და თავდაჯერება სჭირდებათ. ერთადერთი, სადებიუტო გოლი გვატემალელმა ოსკარ სანტისმა გაიტანა.

„კოლხეთი“ შინ 0:2 აგებდა „სამგურალთან,“ მაგრამ ქულა მაინც გადაარჩინა – 3:3. დუბლი მიითვალა ფოთელთა 21 წლის ნახევარმცველმა, გიორგი აბუაშვილმა.

„გაგრა“ აღარ ხუმრობს, ვლადიმერ ხაჩიძის შეგირდება ზედიზედ მესამედ გაიმარჯვეს. ამჯერად მათი „მსხვერპლი“ აუტსაიდერი „სამტრედია აღმოჩნდა.

გაგრა 2:1 სამტრედია

1:0 პაპუაშვილი (14), 1:1 ხმალაძე (52 პენ), 2:1 ციცქიშვილი (74)

დილა 1:1 ტორპედო

0:1 სანდოხაძე (45+2), 1:1 გაგნიძე (61)

კოლხეთი 3:3 სამგურალი

0:1 კალანდარიშვილი (3), 0:2 ვერულიძე (37), 1:2 ხარებავა (57), 1:3 ლუკა ხორხელი (67), 2:3, 3:3 აბუაშვილი (70, 89)

დინამო 1:0 იბერია

1:0 სანტისი (19)

გაძევება: ჯგერენაია (45) – იბერია

ბათუმი 1:1 თელავი

0:1 მაიროვიჩი (6), 1:1 ღუდუშაური (64)

გაძევება: მორჩილაძე (89) – თელავი

გუნდი	თამაში	მოგება	ფრე	წაგება	ბურთები	ქულა
იბერია 1999	36	23	6	7	74:46	75
ტორპედო	36	21	7	8	58:40	70
დილა	36	19	11	6	58:30	68
ბათუმი	36	15	10	11	42:41	55
სამგურალი	36	11	11	14	51:49	44
კოლხეთი	36	9	14	13	48:58	41
დინამო	36	9	12	15	33:44	39
გაგრა	36	11	5	20	36:53	38
თელავი	36	8	10	18	32:43	34
სამტრედია	36	5	12	19	33:61	27

მეგოლეები: გიორგი კოხრეიძე (იბერია), ბიორნ იონსენი (ტორპედო, ნორვეგია) – 7, გიორგი არაბიძე (ტორპედო),შოთა ნონიკაშვილი (იბერია), ტაირელ ვოუტერი (დილა, ნიდერლანდები) – 5

ავტორის პროფილი

სოლომონ გულისაშვილი: სოლომონ გულისაშვილი — ადამიანი, რომელიც ვერ ჩქარობს, განსაკუთრებით თუკი სტატიას წერს, ასწორებს ან ქეიფობს. ამ ორ სფეროში უბადლოა. ერთგული ადამიანია, სამი შვილის მამა. თუ გინდა არ გაგაგიჟოს, დრო არ უნდა დაუთქვა.