ანტონიო კონტე ყველაზე დიდი ფიგურაა მათ შორის, ვისაც „ნაპოლისთან” აკავშირებენ. ერთი ხნის წინ მის შესახებ „პარტენოპეელთა” ყოფილმა პრეს-ოფიცერმა მასიმო სპარნელიმ ილაპარაკა, თუმცა მის იმდროინდელ სიტყვებს მაინც აკლდა კატეგორიულობა, ახლა კი Tele A-ს გადაცემა Tifosi Napoletani-ში ჟურნალისტმა ახალი ფაქტები მოიტანა.
„ანტონიო კონტე პოსილიპოში (ნეაპოლის მდიდრული უბანი) სახლს ეძებს. ის უკვე დაუკავშირდა რამდენიმე მეგობარს, რომელთაც კარგი საცხოვრებლის შერჩევაში დახმარება სთხოვა. გარდა ამისა, კონტემ აურელიო დე ლაურენტისს შეუთვალა, რომ მას სულ მცირე ორი ფეხბურთელის დამატება დასჭირდება. ესენია 27 წლის არგენტინელი ცენტრალური მცველი ლუკას მარტინეს კუარტა, რომელიც „ფიორენტინაში” თამაშობს და 23 წლის მაკედონიური წარმოშობის შვედი ფლანგის ნახევარმცველი დეიან კულუშევსკი „ტოტენჰემ ჰოთსპურიდან”, — თქვა სპარნელიმ, რომელმაც დასძინა, რომ ენთუზიაზმით აღსავსე კონტე უკვე საკუთრივ „ნაპოლის” რამდენიმე მოთამაშესაც ელაპარაკა.
ავტორის პროფილი
- "სარბიელის" ძველი ავტორია. იშვიათად ილია ბაბუნაშვილის ფსევდონიმითაც წერს. ხანდახან ცდილობს იხუმროს, მაგრამ უწყინარია.
უახლესი პოსტები
აქეთურ-იქითური25/06/2026 | 09:59ტუხელი ხალხს დაასვენებს
აქეთურ-იქითური25/06/2026 | 08:50რა უნდა პსჟ-ს სანამ ხალხი მუნდიალს უყურებს?
აქეთურ-იქითური24/06/2026 | 11:17ინგლისმა ბექემს და ფანებს იმედი გაუცრუა
აქეთურ-იქითური24/06/2026 | 08:53დეშამს დედა გარდაეცვალა
