გლასნერი, ფლიკი და ლიოვი

„ბაიერნის“ მწვრთნელის პოსტზეოლივერ გლასნერი, ჰანს-დიტერ ფლიკი და იოახიმ ლიოვი არიან იმ კანდიდატებს შორის, რომლებიც „ბაიერნის“ მწვრთნელის პოსტზე თომას ტუხელის შემცვლელებად მოიაზრებიან.

„ბაიერნი“ ახლა გლასნერის კანდიდატურას განიხილავს, რომლის ბოლო სამუშაო ადგილი ფრანკფურტის „აინტრახტი“ გახლდათ. მანამდე ავსტრიელი სპეციალისტი „ვოლფსბურგსა“ და „ლასკში“ მუშაობდა.

გერმანიის ნაკრების სათავეში ჰანს-დიტერ ფლიკი და იოახიმ ლიოვი მუშაობდნენ. ლიოვის ხელმძღვანელობით გერმანელებმა 2014 წლის მსოფლიო ჩემპიონატი მოიგეს, ფლიკმა კი ეროვნული გუნდი შარშან სექტემბერში დატოვა. ჰანს-დიტერი უკვე სათავეში ედგა „ბაიერნს“ და გუნდთან ერთად ორჯერ გახდა გერმანიის ჩემპიონი და მოიგო ჩემპიონთა ლიგა.

ტუხელი „ბაიერნში“ 2023 წლის მარტიდან მუშაობს. მიმდინარე სეზონში, 21 ტურის შემდეგ, მიუნხენური გუნდი სატურნირო ცხრილში მეორე ადგილზეა და ლიდერ „ლევერკუზენს“ ხუთი ქულით ჩამორჩება. ბუნდესლიგის ბოლო ტურში ტუხელის „ბაიერნი“ სწორედ „ლევერკუზენთან“ დამრცხდა – 0:3.

ავტორის პროფილი

სოლომონ გულისაშვილი: სოლომონ გულისაშვილი — ადამიანი, რომელიც ვერ ჩქარობს, განსაკუთრებით თუკი სტატიას წერს, ასწორებს ან ქეიფობს. ამ ორ სფეროში უბადლოა. ერთგული ადამიანია, სამი შვილის მამა. თუ გინდა არ გაგაგიჟოს, დრო არ უნდა დაუთქვა.