„ორლანდო მეჯიქმა“ ზედიზედ მეოთხე მატჩი მოიგო და ამ მოგების ერთ-ერთი შემოქმედი გოგა ბითაძე იყო.
სამი გასვლითი მოგების შემდეგ „ჯადოქრები“ ფლორიდაში დაბრუნდნენ და „ტორონტო რეპტორსი“ 124:107 დაამარცხეს. როგორც ბოლო დროს მივეჩვიეთ, ბითაძე ამჯერადაც სასტარტო ხუთეულში იყო და გამარჯვებაში სოლიდური წვლილი შეიტანა. მართალია, ბითაძეს 5 ქულაზე მეტი არ ჩაუგდია, მაგრამ მისი სტატისტიკა მრავალფეროვანი და ხვავრიელი იყო.
ქართველ ცენტრს გუნდში ყველაზე მეტი მოხსნა, პასი და დაფარება დაუგროვდა: 5 ქულა, 7 მოხსნა, 6 პასი, 5 დაფარება და 2 ჩაჭრა. ეს ყველაფერი გოგამ მოედანზე ყოფნის 30 წუთში მოახერხა. ამასთან ისე, რომ ბურთი მხოლოდ ერთხელ დაკარგა.
ერთია, სროლის პროცენტული მაჩვენებელი უკეთესი გვსურს – ჩვენებურმა 6-დან 2 ორქულიანი და 4-დან 1 საჯარიმო ჩააგდო. „ორლანდოს“ 9 მოგება და 5 მარცხი აქვს, ეს აღმოსავლეთ კონფერენციაში მე-5 ადგილის ტოლფასია. გოგას გუნდი მომდევნო მატჩს ნბა-ს მოქმედ ჩემპიონ „დენვერთან“ გამართავს.
ავტორის პროფილი
- ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...
უახლესი პოსტები
აქეთურ-იქითური21/09/2026 | 23:04ქალების მედლის შანსი
აქეთურ-იქითური20/09/2026 | 19:07საინტერესო ქართული ამბავი სამარყანდში
აქეთურ-იქითური19/09/2026 | 14:04ოლიმპიადაზე ერთნაირად
აქეთურ-იქითური18/09/2026 | 15:10მიზანი: ჯგუფის მოგება და A ლიგა