ნაპოლი ევროპაში მეორეა

ხშირად უთქვამთ, რომ მთავარი გამარჯვებაა. „ნაპოლი” წლეულს შარშანდელივით გამანადგურებელი გუნდი არ არის. ის კი არა, მწვრთნელი რუდი გარსია მუდამ სამსახურიდან გაშვების რისკის ქვეშაა, მაგრამ როგორც spazionapoli წერს, გუნდს ყველა კომპონენტში ცუდად როდი აქვს საქმე. ზოგადი სურათი ასეთია: „პარტენოპეელები” სერია A-ს ოთხეულში არიან, ჩემპიონთა ლიგაში კი თუ სასწაული არ მოხდა ფლეი ოფის ეტაპზე მოხვდებიან. სხვა საქმეა, რომ გასულ სეზონში სკუდეტოს მოპოვებამ გულშემატკივარს დიდი მოლოდინები გაუჩინა.

საყოველთაო აზრით მიმდინარე სეზონში „ნაპოლი” უწინდელზე ცუდად იცავს თავს. ასახელებენ სხვა ხარვეზებსაც, მაგრამ შეტევაში გარსიას გუნდს სავიშვიშოდ ნამდვილად არ აქვს საქმე. Opta-მ დათვალა, რომ ევროპის ხუთ ტოპ 5 ლიგაში ერთ შეხვედრაში შესრულებული დარტყმების საშუალო რაოდენობით „ნაპოლის” მხოლოდ „ბაიერნი” უსწრებს. „ბაიერნი” კარის მიმართულებით მატჩში საშუალოდ 19,9-ჯერ არტყამს, „ნაპოლი” კი 18,6-ჯერ.

დარტყმების ჯამური რაოდენობით კი ყველას „რეალი” უსწრებს — 215. მეორე ადგილზე აქაც „ნაპოლია” — 204.

Surprising data on Napoli