დინამომ გრანდთან წააგო

ჩემპიონთა ლიგის B ჯგუფის მე-4 ტურში თბილისს მსოფლიო წყალბურთის გრანდი, იტალიური „პრო რეკო“ ეწვია და დეიან სტანოიევიჩის გუნდს მორიგი მარცხი აგემა 16:9.

„პრო რეკო“ საქართველოს დედაქალაქში 27-მატჩიანი წაუგებელი სერიით ჩამოვიდა და მის გაფუჭებას არც აქ აპირებდა. „დინამო“ მეტოქეს მხოლოდ პირველ მეოთხედში (2:2) გაუძალიანდა, შემდეგ კი, იტალიელებმა უპირატესობა ხელთ იგდეს და ბოლო მეოთხედის წინ მატჩის ბედი გადაწყვიტეს – 11:6.

საქართველოს ჩემპიონს კი ოთხიდან ოთხი მარცხი აქვს და ჯგუფში ბოლო ადგილზეა. „დინამოს“ დარჩენილ შეხვედრების განრიგი ასეთია: 22 ნოემბერს სტუმრად „ოლიმპიაკოსს“ ეთამაშება, ხოლო 6 დეკემბერს ასევე სტუმრად „დუბროვნიკს“ დაუპირისპირდება.

ფოტოს აღწერილობა მიუწვდომელია.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...