გიორგის ნაცვლად გეორგიოსი…

„თელავის“ მთავარი მწვრთნელის პოსტიდან გიორგი მიქაძის მოულოდნელი წასვლის შემდეგ, კახური კლუბის ხელმძღვანელობამ მისი შემცვლელი მალევე მოძებნა – ამიერიდან გუნდს 51 წლის ბერძენი სპეციალისტი გეორგიოს კოსტისი გაწვრთნის.

კოსტისი ტრიკალაშია (საბერძნეთი) დაბადებული. ფეხბურთელობისას ბერძნული კლუბების („ირაკლისი“, „პანახაიკი“, ვოლოსის „ოლიმპიაკოსი“) გარდა, უთამაშია გერმანული „ნიურნბერგში“, ასევე კვიპროსში, ნიქოზიის „ოლიმპიაკოსში“, „პაფოსში“ აელ-ში, „დოქსასა“ და „ომონიაში“.

მოთამაშის კარიერა 2011 წელს კვიპროსში დაასრულა, 2015 წლიდან კი მწვრთნელობა დაიწყო კვიპროსის ერთ-ერთ ყველაზე ტიტულოვან კლუბ აპოელ-ში, სადაც ჯერ გახლდათ გუნდის მთავარი მწვრთნელის პირველი თანაშემწე, გარკვეული პერიოდი კი მთავარი მწვრთნელის მოვალეობასაც ასრულებდა.

ავტორის პროფილი

ლუკა თალაკვაძე: ლუკა თალაკვაძე ნამდვილი სარბიელელია. ყველას შემწე, გვერდში მდგომი, ალალი და უსაყვედურო. ჟურნალისტის პროფესიის ქიციც იცის და ქიცმაცურიც.