ამერიკის ღია პირველობა დასასრულისკენ მიდის და, შესაძლოა, ისე მოხდეს, რომ კაცთა შორის წინა „დიდი მუზარადის“ ფინალი განმეორდეს. ყოველ შემთხვევაში კარლოს ალკარასი და ნოვაკ ჯოკოვიჩი ამასთან ახლოს არიან.
მეოთხედფინალში ჯოკოვიჩმა ისევ მარტივად იმარჯვა – სერბმა ჩოგბურთელმა ამერიკელი ტეილორ ფრიტცი 6:1; 6:4; 6:4 დაამარცხა და ნახევარფინალში კიდევ ერთ მასპინძელს, ბენ შელტონს გაეჯიბრება, რომელმაც თავის მხრივ თანამემამულე ფრენსის ტიაფოს მოუგო – 6:2; 3:6; 7:6; 6:2.
ალკარასმაც მარტივად მოიგო – გერმანელ ალექსანდრ ზვერევთან 6:3; 6:2; 6:4 იმარჯვა. ესპანელს ნახევარფინალში უფრო რთული მეტოქე ჰყავს – რუსი დანილ მედვედევი, რომელმაც ანდრეი რუბლიოვი ასევე სამ სეტში – 6:4; 6:3; 6:4 დაამარცხა.
ნახევარფინალი: ალკარასი-მედვედევი, ჯოკოვიჩი-შელტონი.
პირველი დიდი ტიტულისკენ მიიწევს ამერიკელი კოკო გაუფი, ვისაც მეოთხეფინალში ლატვიელი ალიონა ოსტაპენკოს დამარცხება არ გასჭირვებია – 6:0,6:2. გაუფის მეტოქე ჩეხი კაროლინა მუხოვა იქნება, რომელმაც რუმინელ სორანა კირსტეა ასევე მარტივად მოუგო – 6:0, 6:3.
კიდევ ერთი ჩეხი, „უიმბლდონის“ გამარჯვებული მარკეტა ვონდროუშოვა კი, მასპინძელ მედისონ კისისთან ბრძოლაში დამარცხდა – 1:6; 4:6. ნახევარფინალში მომავალი ორშაბათიდან რეიტინგის პირველი ნომერი ბელარუსი არინა საბალენკა, ვინაც ჩინელ კინ ვენ ჟენგს სძლია – 6:1; 6:4; ნახევარფინალები: გაუფი-მუხოვა, საბალენკა-კისი.
ავტორის პროფილი
- ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...
უახლესი პოსტები
აქეთურ-იქითური19/09/2026 | 14:04ოლიმპიადაზე ერთნაირად
აქეთურ-იქითური18/09/2026 | 15:10მიზანი: ჯგუფის მოგება და A ლიგა
აქეთურ-იქითური11/09/2026 | 13:10ამერიკაში ფინალისტები ადგილებს გაცვლიან
აქეთურ-იქითური02/09/2026 | 22:12სად არის ხვიჩა?