ფეხბურთის გურმანებს ჯერჯერობით ბარსელონაში ჩასვლას არ ვურჩევთ, რადგან ლეგენდარული „კამპ ნოუ” გამოშიგნული დახვდებათ. ესპანური ფეხბურთის გოლიათმა საცხოვრებლის რეკონსტრუქცია წამოიწყო. პროექტის ხორცშესხმა ჯამში 1,46 მილიარდი ევრო ჯდება. სამუშაოების დამთავრებას 2025-26 წლების სეზონისთვის გეგმავენ. სარბიელის ტევადობა 99354-დან 105000-მდე გაიზრდება. ის იყო და დარჩება ევროპის ყველაზე დიდ სტადიონად: მეორეზე დარჩება „უემბლი”, რომელშიც 90 000 გულშემატკივარი ეტევა. „კამპ ნოუ”...
დღეს და ხვალ „უიმბლდონის“ მეოთხედფინალური მატჩებია. მამაკაცთა შორის თითქმის ყველა უძლიერესი ჩოგბურთელი ტიტულისთვის იბრძვის. მეტ-ნაკლები სენსაცია საუკეთესო რვას შორის რუსი რომან საფიულინისა (92) და ამერიკელი კრისტოფ უებანკისის (43) გასვლაა. საფიულინს მაინცდამაინც რთული გზა არ შეხვედრია და ოცეულში მყოფ ჩოგბურთელს აქამდე არც შეხვედრია. მეოთხედფინალში კი რეიტინგის მერვე ნომერ იტალიელ იანიკ სინერს ეთამაშება. დღესვე მტავარ კორტზე ერთმანეთის...
„ნაპოლიმ” 2023-24 წლების სეზონის მაისურების პრეზენტაცია მოაწყო. იტალიური პორტალები წერენ, რომ ამ მოვლენამ გულშემატკივრებს შორის დიდი ინტერესი გამოიწვია. ახალ ლურჯ მაისურას მკერდს ტრიკოლორი უმშვენებს. ლოგო კვლავ EA7-ია. პრეზენტაცია პირდაპირ გადაიცემოდა დიდებული გემიდან, რომელსაც ჰქვია MSC World Europa. კლუბის პრეზიდენტ აურელიო დე ლაურენტისს პრეზენტაციაზე ქალიშვილი ვალენტინა უმშვენებდა გვერდს. საშინაო, ანუ ლურჯმა მაისურამ საყოველთაო მოწონება დაიმსახურა, სტუმრად...
პიოტრ ჟელინსკის „ნაპოლიში” დარჩენა-არ დარჩენის საკითხი ჯერ კიდევ გადასაწყვეტია. ადრეც ვწერდით, რომ პოლონელი ნახევარმცველის კონტრაქტი 2024 წლის ზაფხულამდეა ძალაში, რაც იმას ნიშნავს, რომ გაისად ამ დროს მას თავისუფალი აგენტის სტატუსით შეუძლია დატოვოს კლუბი. შესაბამისად, ჟელინსკისთან თანამშრომლობის გაგრძელება ყველაზე ხელსაყრელი ახლაა, მაგრამ საქმე ადგილიდან არ იძვრის. „ნაპოლის” ახალი ფორმის პრეზენტაციაზე კლუბის პრეზიდენტმა აურელიო დე ლაურენტისმა თქვა,...
ინგლისური „ტოტენჰემი“ არ აპირებს „ბაიერნის“ 80 მილიონევროიანი შეთავაზების მიღებას ჰარი კეინის ტრანსფერისთვის. წყაროს ცნობით, დეკლარირებული თანხა არ იქნება საკმარისი ტრანზაქციის დასასრულებლად. აღნიშნულია, რომ „ბაიერნი“ ისევ სერიოზულ ინტერესს იჩენს „სფურზის“ ინგლისელი თავდამსხმელის მიმართ და კვლავ იმედოვნებს, რომ პროგრესს მიაღწევს „ტოტენჰემთან“ მოლაპარაკებებში. მანამდე გავრცელდა ინფორმაცია, რომ ინგლისელებმა ბაიერნს კეინში შეთავაზებულ 70 მილიონ ევროზეც უთხრეს უარი. კეინი „ტოტენჰემის“...
ოქსანა კალაშნიკოვამ მიმდინარე „უიმბლდონზე“ კარიერის საუკეთესო შედეგი დააფიქსირა. ჩვენებური, ბელარუს ირინა შიმანოვიჩთან ერთად მეოთხედფინალში გავიდა. წყვილმა მერვედფინალში ბრაზილიელ ინგრიდ გამარა მარტინშსა და ასევე ბელარუს ლიდია მაროზავას დუეტს 6:4, 7:6 მოუგო. პირველ სეტში კალაშნიკოვა-შიმანოვიჩმა მეცხრე გეიმი წაართვეს მეტოქეს, ხოლო მეორეში ტაი ბრეიკზე იმარჯვეს. თუმცა, ორი მატჩ-პოინტიც გაანიავეს. გეტყვით იმასაც, რომ მანამდე ქართულ-ბელარუსულმა წყვილმა ჯერ იაპონელები აოიამა და...
ტურინის „იუვენტუსმა“ „ოპტიმალურ დისკვალიფიკაციას“ მიაგნო. იტალიური მედიის ინფორმაციით, „ბებერი ქალბატონის“ ხელმძღვანელობა უეფას შეუთანხმდა და მომდევნო სეზონში კონფერენციის ლიგაში მონაწილეობას არ მიიღებს. გეხსომებათ, ტურინელები საკუთარ ქვეყანაში დასაჯეს, 10 ქულა დააკლეს, რის გამოც გუნდმა სეზონი მეშვიდე ადგილზე და რანგით მესამე ევროტურნირის საგზურით დაასრულა. შედეგად, „იუვენტუსის“ გარშემო გამოძიება ევროპული ფეხბურთის მმართველმა ორგანომაც დაიწყო და კლუბისთვის ერთწლიანი დისკვალიფიკაცია გამზადებული...
„ნაპოლის” კაპიტანი ჯოვანი დი ლორენცო ოცნების ახდენასთან ახლოს არის. მისი აგენტი მარიო ჯიუფრედი ჯერ კიდევ ერთი წლის წინ ამბობდა: „ჯოვანი „ნაპოლის” კაპიტნობაზე და მთელი კარიერის ამ გუნდში გატარებაზე ოცნებობს”. როგორც ხედავთ, ოცნების პირველი ნაწილი ახდა. დი ლორენცომ სამკლავური მოირგო და გახდა მარადონას შემდეგ პირველი კაპიტანი, რომელმაც „აძურის” სკუდეტო მოაგებინა. რაც შეეხება „სამარადისო ხელშეკრულებას”, „ლა რეპუბლიკა”...
„პარი სენ ჟერმენის” ყოფილმა გენერალურმა დირექტორმა, ბრაზილიელმა 1994 წლის მსოფლიოს ჩემპიონმა ლეონარდომ „ეკიპთან” საუბრისას კილიან მბაპეს კბილი გაჰკრა. „პარიზული კლუბისთვის უკეთესი იქნება თუკი მბაპე სხვაგან გადავა. არ აქვს მნიშვნელობა სად. „პარი სენ ჟერმენი” კილიან მბაპემდეც არსებობდა და კილიან მბაპეს მერეც იარსებებს. მბაპე ექვსი სეზონია რაც პსჟ-ში თამაშობს. ამ ხნის განმავლობაში ჩემპიონთა ლიგა ხუთმა სხვადასხვა გუნდმა...
დავიწყოთ ინგლისური „სანის” ინფორმაციით: შაბათს ოფიციალურად დადასტურდა, რომ ესპანელმა მეკარემ დავიდ დე ხეამ „მანჩესტერ იუნაიტედი” დატოვა. გუნდმა პირველი ამხანაგური შეხვედრა ოთხშაბათს ოსლოში „ლიდსთან” უნდა გამართოს, მთავარი მეკარე კი არ ჰყავს. რა უნდა იღონოს „იუნაიტედმა”? ცნობილია, რომ ის „ინტერის” 27 წლის კამერუნელი გოლკიპერის, ანდრე ონანას შეძენით არის დაინტერესებული. ინგლისური კლუბი აცხადებს, რომ მილანელებთან თავდაპირველი მოლაპარაკებები იმედისმომცემად...