პარამეტრებით ზედგამოჭრილი

Giovani Lo Celso of Argentina and Elkan William of Indonesia compete for the ball during the international friendly between Indonesia and Argentina... სატრანსფერო ბაზარი გაიხსნა. „ნაპოლიმ” ჯერჯერობით ერთადერთი ფეხბურთელი დაიმატა — მეკარე პიერლუიჯი გოლინი, რომელიც აქამდეც მათთან იყო, ოღონდ იჯარის წესით. კლუბში ბევრ ვარიანტს განიხილავენ, რამაც უახლოეს პერიოდში შედეგი უნდა გამოიღოს. ამბობენ, რომ შესწავლილ მოთამაშეთა შორის არის ერთი, რომელიც პარამეტრების მიხედვით რუდი გარსიას გუნდს კარგად უნდა მოერგოს. ეს გახლავთ არგენტინელი ნახევარმცველი ჯოვანი ლო სელსო. მის შესახებ რადიო CRC-ს ეთერში ფიფას აგენტმა ფილიპო კოლასანტომ ილაპარაკა.

გადაცემაში Si Gonfia la Rete კოლასანტომ ხაზი გაუსვა, რომ არგენტინელი უნივერსალური მოთამაშეა, რაც „ნაპოლისთვის” ზედგამოჭრილი იქნება. აგენტის აზრით ლო სელსოს, რომელიც „ტოტენჰემ ჰოთსფურის” საკუთრებაა, მაგრამ გასული სეზონი „ვილიარეალში” გაატარა, 4-3-3 სქემაში შეუძლია პიოტრ ჟელინსკი შეცვალოს.

„თან ნეაპოლი არგენტინელებისთვის საგანგებო ადგილია. ისინი აქ მუდამ თავის ადგილზე არიან”, — დასძინა კოლასანტომ.

ლო სელსო 27 წლისაა. ის თამაშობდა „როსარიო სენტრალში”, „პარი სენ ჟერმენში”, „რეალ ბეტისში”, „ტოტენჰემ ჰოთსფურსა” და „ვილიარეალში”. არგენტინის ნაკრებში 44 შეხვედრაში 2 გოლი აქვს გატანილი.