ოთხეულები შეიკრა

„უიმბლდონზე“ ყველა ნახევარფინალისტი ცნობილია. როგორც ქალთა, ასევე კაცთა შორის, კიდევ თითო წყვილი გაირკვა.

Carlos Alcaraz, who beat fellow young gun and childhood friend Holger Rune to reach the Wimbledon semi-finals for the first time, pictured on day ten... — კარლოს ალკარასი

დაძაბული და დრამატული გამოდგა დანილ მედვედევისა და კრისტოფ ეუბანკსის ჯახი, რომელიც საბოლოოდ, რუსმა მოიგო – 6:4; 1:6; 4:6; 7:6; 6:1. არადა, ამერიკელი ახლოს იყო კიდევ ერთ სენსაციასთან, მაგრამ კლასი არ ეყო და ნახევარფინალი მედვედევს გაატანა.

მარტივად იმარჯვა კარლოს ალკარასმა, ვინაც დანიელი ჰოლგერ რუნი სამ სეტში დაამარცხა – 7:6; 6:4; 6:4 და ფინალში გასასვლელად მედვედევს შეხვდება. ქალთა შორის მარტივად მოიგო არინა საბალენკამაც. ბელარუსმა ჩოგბურთელმა ამერიკელი მედისონ კეისთან 6:4; 6:2 იმარჯვა.

მეორე წყვილში კი, საინტერესო ბრძოლა შედგა: ტუნისელი ორის ჟაბერმა ყაზახ ელენა რიბაკინასთან პირველი სეტი 6:7 წააგო, მაგრამ შემდეგ ორი სეტი მოიგო – 6:4; 6:1 და ნახევარფინალში საბალენკას დაუპირისპირდება.

შეგახსენებთ, კაცთა შორის მეორე ნახევარფინალში ნოვაკ ჯოკოვიჩი და იანიკ სინერი ითამაშებენ, ხოლო ქალთა შორის ერთმანეთში ურთიერთობას ელინა სვიტოლინა და მარკეტ ვონდროუშოვა გაარკვევენ.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...