რა მოხდა უდინეში თამაშის მერე?

Battles in the field „უდინეზესა” და „ნაპოლის” თამაშის წინა დღეს უდინელმა ულტრასებმა კატეგორიულად განაცხადეს, რომ ნეაპოლელებს თავიანთ ქალაქში ზეიმის საშუალებას არ მისცემდნენ. როდესაც შეხვედრა დასრულდა (1:1) ისინი საქმეზე გადავიდნენ. რამდენიმე ათეული „შავ-თეთრი” ფანი მოედანზე ჩახტა და ფეხბურთელებთან ჩამხტარ მოზეიმე ნეაპოლელებს ქამრებით და ხელკეტებით დაერია.

ნეაპოლელები მინდორზე გაცილებით მეტნი იყვნენ, მაგრამ მათი ამოცანა ჩხუბი კი არა, ზეიმი იყო და ამიტომ ტრიბუნებს დაუბრუნდენ. შეტაკებები, რასაკვირველია მაინც მოხდა, თუმცა დიდხანსაც არ გაგრძელებულა, რადგან ქალაქ უდინეს პოლიცია დროულად ჩაერია საქმეში.

სპეციალური დანიშნულების რაზმი ჩრდილოეთის ტრიბუნას, „კურვა ნორდს” შემოეჯარა, რათა იქ შერეკილი უდინელი მაჩხუბრები მოედანზე აღარ დაბრუნებულიყვნენ. გადაღმა მხარეს „კურვა სუდისკენ” დადგა პოლიციელთა მეორე ქვედანაყოფი. ის „აძურის” ბედნიერ ქომაგებს აკონტროლებდა.

როგორც საბოლოოდ გაირკვა, შეხლა-შემოხლის დროს დაშავდა რვა ნეაპოლელი, რომელთაგან ორი საავადმყოფოში გადაიყვანეს. ერთს თავი დაუზიანდა, მეორეს ფეხი მოტყდა.