დისკვალიფიკაცია მოუ-ხსნეს!

იტალიის ფეხბურთის ფედერაციის სააპელაციო სასამართლომ მხარი დაუჭირა „რომას” პროტესტს. დედაქალაქის კლუბი ჩიოდა, რომ „კრემონეზესთან” 1:2 წაგებულ შეხვედრაში მისმა მწვრთნელმა ჟოზე მოურინიუმ წითელი ბარათი და თანმდევი ორთამაშიანი დისკვალიფიკაცია დაუმსახურებლად მიიღო. სასამართლომ თქვა, რომ დამატებითი გამოძიება ჯერ კიდევ ჩასატარებელია, მაგრამ მანამდე პორტუგალიელს უფლება აქვს ჩვეულებრივ გააგრძელოს საქმიანობა. დღეს, „იუვენტუსთან” შეხვედრაში ის მოედნის კიდესთან იქნება.

გავრცელებული განცხადების თანახმად კოლეგია ობიექტურად მიიჩნევს, რომ ვერდიქტის გამოტანა ჯერ ადრეა, რადგან საჭიროა საკითხის უფრო ღრმად შესწავლა. მოგეხსენებათ, „განსაკუთრებული” მეორე ტაიმის დასაწყისში მეოთხე მსაჯთან შელაპარაკების გამო გააძევეს. კოლეგია აცხადებს, რომ ერთ-ერთი მიზეზი, რომლის გამოც საკითხი ამოწურულად არ მიაჩნია გახლავთ ისიც, რომ ხსენებული მეოთხე მსაჯისგან მომხდარის დაწვრილებით აღწერა ჯერ ვერ ხერხდება.

შემდეგი განხილვა 10 მარტს არის დანიშნული.

Jose Mourinho, Head Coach of AS Roma, receives a red card from Referee Marco Piccinini during the Serie A match between US Cremonese and AS Roma at...