განრისხება მაროკოულად

მაროკომ მსოფლიოს ჩემპიონატი განრისხებულმა დაასრულა. აფრიკელებმა მესამე ადგილისთვის მატჩი ხორვატიასთან 1:2 წააგეს, მაგრამ მიიჩნიეს, რომ მათი დამარცხება ცუდმა მსაჯობამ განაპირობა და დასრულდა თუ არა შეხვედრა, არბიტრებს შემოეჯარნენ. მათ ყატარელი მსაჯის აბდულრაჰიმ ალ-ჯასიმისა და მისი კოლეგების რამდენიმე გადაწყვეტილებასთან ჰქონდათ პრეტენზია.

რამდენადაც შორიდან ჩანდა, მაროკოელთა მწვრთნელმა ვალიდ რეგრაგიმ სცადა ვითარების განმუხტვა. მან თავის ფეხბურთელებს მსაჯებისგან გაცლა სთხოვა.

მაროკოელთაგან ყველაზე მეტად არშაფ ჰაკიმი გაბრაზდა. ჰაკიმი ის ფეხბურთელია, რომელიც „პარი სენ ჟერმენში” თამაშობს, მატჩის მსვლელობისას არბიტრს ყველაზე ხშირად ეკამათებოდა, მისი დამთავრების შემდეგ სტადიონის გვირაბში ხმამაღალ პროტესტს გამოთქვამდა და გზად შემხვედრ ფიფას პერსონალს ეჩხუბებოდა.

მაროკოს ნაკრებმა უპატივცემულობა გამოიჩინა: ხორვატიის ნაკრების დაჯილდოებას არ დაესწრო.

Morocco players and staff surround referee Abdulrahman Al Jassim after the FIFA World Cup Qatar 2022 3rd Place match between Croatia and Morocco at...