ხვიჩა — ჩემპიონთა ლიგის მეხუთე დრიბლიორი

ჩემპიონთა ლიგის ჯგუფური ეტაპი დასრულებულია, მერვედფინალის მონაწილენი — დაწყვილებული. „ნაპოლის” მეტოქე იქნება გერმანული „აინტრახტი”. შეჯიბრების განვლილი ნაწილის ერთ-ერთი მთავარი გმირი კი უპირობოდ საქართველოს ნაკრების თავდამსხმელი ხვიჩა კვარაცხელიაა.

ჩემპიონთა ლიგის ოფიციალურ ტვიტერზე გამოქვეყნდა ჯგუფური ეტაპის სხვადასხვა მონაცემი, რომელთა შორის მოყვანილია დრიბლინგების რაოდენობა.

როგორც გაირკვა „ნაპოლის” 77-ე ნომერს 29 დრიბლინგი შეუსრულებია და ამ მონაცემის მიხედვით მეხუთე პოზიციას იკავებს. 39 დრიბლინგით პირველ და მეორე ადგილეზე ფრანგები, ბარსელონელი ოსმან დემბელე და „პარი სენ ჟერმენის” კილიან მბაპე არიან.

შეგახსენებთ, რომ კვარაცხელიამ ჩემპიონთა ლიგის პირველი ეტაპის ერთი შეხვედრა, შინ „გლაზგო რეინჯერსის” წინააღმდეგ, გამოტოვა ანუ 29 დრიბლინგი არა 6, არამედ 5 შეხვედრაში აქვს შესრულებული.